2 REYES 23:11 - Dios Rimashcata Quillcashcami

¹¹ Judá llactata jatun mandaccuna intiman cushpa, Mandac Diospac huasi yaicuna pungu ladopi churashca caballocunatapish urmachircami. Chaicunaca michina pambacunata cuidac eunuco Natan-melec runa tiyacuc huasi ladopimi carca. Intiman cushca carretacunatapish rupachircami.

2 REYES 23:11 ပူးပေါင်းရင်းမြစ်များ

2 REYES 23:5

Paica Judá llactata mandaccuna yanga dioscunata mañashpa inciensota rupachichun churashca curacunatapish anchuchircami. Paicunataca Judapi tiyac pueblocunapi, Jerusalén muyundicunapi tiyac altarcunapi rupachichunmi churashca carca. Shinallatac Baal diosta, intita, quillata, zodíaco nishcata ricuchiccunata, jahua pachapi tiyac tucui lucerocunata mañashpa inciensota rupachiccunatapish anchuchircami.

1 CRÓNICAS 26:18

Inti tigrana ladoman ima huacaichina ucutaca ishcaimi cuidacurca. Ñan ladopica chuscumi cuidacurca.

2 CRÓNICAS 14:5

Shinallatac Judá llactapi cac pueblocunamantaca lomacunapi tiyac altarcunatapish, imamanpish riccha dioscunatapish chingachircami. Pai mandacui punzhacunapica casilla sumac causaimi chai llactapica tiyarca.

2 CRÓNICAS 34:4

Paipac ñaupapimi Baal diospac altarcunataca tigrachirca. Patapi tiyac inciensota rupachina altarcunatapish, Asera huarmi diosta yuyarina yuratapish, labrashpa ruhuashca dioscunatapish, yacuyachishpa ruhuashca dioscunatapish paquishpami polvorca. Chai polvotaca chai dioscunaman animalta cushpa rupachiccunata enterrashca jahuapimi shitachun cacharca.

JOB 31:26

inti achicyachicpi, quilla achicyachicpi, chapashca cashpa,

EZEQUIEL 40:17

Chai quipaca huasi pungu canzha pambaman apacpimi, uchilla ucucunata ricurcani. Chaicunaca muyundita rumihuan llambucllata ruhuashcami carca. Chai pungu pamba muyundipica quimsa chunga ucucunami tiyarca.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.

DEUTERONOMIO 4:19

Pacta jahua cielota ricushpa, intita, quillata, lucerocunata, tucui jahua cielopi tiyashcata ricushpa cungurishpa adoranguichicman. Chaicunataca Mandac Diosmi tucui cai pachata achicyachichun ruhuarca.