2 REYES 22:9 - Dios Rimashcata Quillcashcami

⁹ Chai quipami quillcac Safán jatun mandacpacman rishpaca: —Can jatun mandacta serviccunaca Diospac huasipi tiyac cullquitaca ñami tandachishca. Chai cullquitaca mandac Diospac huasita allichiccunaman shinallatac allichichichun mingashca runacunamanmi cushca— nirca.

2 REYES 22:9 ပူးပေါင်းရင်းမြစ်များ

2 REYES 18:18

Chai quipami jatun mandac Ezequiastaca cayarcacuna. Shina cayacpimi Hilciaspac churi mayordomo Eliaquimpish, quillcac Sebnapish, jatun mandacpac huillac Asafpac churi Joapish paita tupangapac llucshirca.

2 REYES 22:10

Shinallatac quillcac Safanca: «Hilcías curami shuc librota curca» nishpami jatun mandacman huillarca. Shina nishpami jatun mandacpac ñaupapi rezarca.

2 REYES 22:12

Chai quipami jatun mandacca Hilcías curatapish, Safanpac churi Ahicamtapish, Micaiaspac churi Acbortapish, quillcac Safantapish, jatun mandacta servic Asaiastapish mandashpaca:

2 REYES 22:3

Josías chunga pusac huatata mandacushpami, Azaliapac churi, Mesulampac nieto quillcac Safanta Mandac Diospac huasiman cacharca. Paitaca:

2 REYES 22:8

Shina nicpimi, curacunata mandac Hilcías curaca quillcac Safantaca: «Mandashcata quillcashca librotami Mandac Diospac huasipi tarircani» nirca. Shina nishpami chai librotaca Safanman curca. Pai japishpaca rezarcami.

2 REYES 25:22

Babilonia llactata jatun mandac Nabucodonosorca Judá llactapi saquirishcacunata mandachunca Ahicampac churi Gedaliastami churarca. Ahicamca Safanpac churimi carca.

JEREMÍAS 26:24

Ashtahuanpish Safanpac churi mandac Ahicamca Jeremiasta chaipi tandanacushcacunapac maquipi churachun, huañuchichun mana saquirca.

JEREMÍAS 29:3

Chai cartataca Safanpac churi Elasaman, Hilquiaspac churi Gemariasmanmi cushpa cacharca. Paicunataca Judá llactata jatun mandac Sedequiasmi Babilonia llactata jatun mandac Nabucodonosorpacman cacharca. Chai cartapica:

JEREMÍAS 39:14

cárcel pungumanta Jeremiasta llucchichun cacharca. Chaimanta llucchishpaca, Ahicampac churi, Safanpac nieto Gedaliasmanmi huasipi pushashpa causachun curca. Shinami Jeremiasca Judá llacta gentecunapac chaupipi causacurca.

JEREMÍAS 40:11

Judá llactamanta rishpa Moab, Amón, Edom llactacunapi causaccunatapish, tucui caishuc llactapi causaccunatapish Babilonia llactata jatun mandac Judá llactapi maijan saquishcacunata Ahicampac churi, Safanpac nieto Gedaliasta mandachun churashcatami yachac chayarca.

JEREMÍAS 41:2

Ña micushpami, Netaniaspac churi Ismaelca paihuan cac chunga runacunahuan jatarishpa Safanpac churi Ahicampac nieto Gedaliasta espadahuan huañuchirca. Shinami Babilonia llactata jatun mandac chai llactata mandachun churashca runata huañuchirca.

EZEQUIEL 8:11

Chaicunapac ñaupapica israelcunapuramanta canchis chunga pushac yuyaccunami carca. Chai pushac yuyaccunapac chaupipica Safanpac churi Jazaniasmi shayacurca. Tucui paicunami quiquin maquipi inciensota rupachinata charicurca. Shinallatac incienso cushnica puyu shinami jahuata ricurca.