2 REYES 22:4 - Dios Rimashcata Quillcashcami

⁴ «Curacunata mandac Hilciaspacman rishpa, Mandac Diospac huasiman gentecuna apamushca cullquita tandai. Chai cullquitaca huasi pungupi cuidaccunami charicun.

2 REYES 22:4 ပူးပေါင်းရင်းမြစ်များ

2 REYES 12:4

Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

2 REYES 12:5

Curacuna cullquita huacaichiccunapac maquimanta japishpa, Mandac Diospac huasi chictarishcacunata, ashtahuan maipi allichinacunata allichinguichic» nirca.

2 REYES 18:18

Chai quipami jatun mandac Ezequiastaca cayarcacuna. Shina cayacpimi Hilciaspac churi mayordomo Eliaquimpish, quillcac Sebnapish, jatun mandacpac huillac Asafpac churi Joapish paita tupangapac llucshirca.

1 CRÓNICAS 6:13

Salumca Hilcías churitami charirca. Hilciasca Azarías churitami charirca.

1 CRÓNICAS 9:11

Hilciaspac churi Azariasmi cutimurca. Hilquiasca Mesulampac churi, Mesulamca Sadocpac churi, Sadocca Meraiotpac churi, Meraiotca Ahitobpac churimi carca. Paimi Diospac huasipi curacunata mandac carca.

1 CRÓNICAS 9:19

Corepac churi Salumpish, paipac taita Corepac caishuc churicunapish ñaupa taitacunapac huasi ucupurata mandaccuna shinami Mandac Dios-huan tupana huasi pungupi cuidashpa servircacuna. Coreca Ebiasafpac churimi carca. Ebiasafca Corepac churimi carca.

2 CRÓNICAS 8:14

Chashnallatac curacunataca paipac taita David mandashca shinallatacmi imata ruhuana cashcapi churarca. Levitacunatapish paicuna imata ruhuana cashcata ruhuashpa Diosta alabachun, shinallatac curacunata ayudachunmi churarca. Shinallatac Diospac huasi pungupi cuidaccunatapish tucui pungucunapimi chullayanacushpa cuidachun churarca. Mandac Diosta servic Davidmi chashna mandarca.

NEHEMÍAS 11:19

Diospac huasi pungupi cuidaccunaca Acub, Talmón paicunapac tucui huauquicunahuanca patsac canchis chunga ishcaimi carca.

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.