2 REYES 22:13 - Dios Rimashcata Quillcashcami

¹³ «Ñucamantapish, cai pueblopi causaccunamantapish, Judá llactapi tucui causaccunamantapish cai tarishca libropi quillcashca shimicuna ima nisha nicushcata Mandac Diosman tapugrichic. Ñucanchic ñaupa taitacuna ñucanchicmanta cai libropi quillcashca shinallatac mana cazushpa causashcamantami Mandac Dios ñucanchic-huan nina japiric shina piñarishca» nirca.

2 REYES 22:13 ပူးပေါင်းရင်းမြစ်များ

2 REYES 23:26

Josías chashna ruhuacpipish, Mandac Diosca Judá llactata jatun mandac Manasés yallita millaita ruhuashcamantaca Judá llactapi causaccunahuan nina japiric shina piñarishpami catirca.

2 REYES 3:11

Shina nicpimi Josafatca: —Mandac Diosman tapungapacca ¿Manachu pai ima nishcata huillac caipica tiyan?— nishpa tapurca. Shina nicpimi, Israel llactata jatun mandacpac servicpuramanta shucca: —Safatpac churi Eliseomi caipi causan. Paica Eliasta servicmi carca— nirca.

2 CRÓNICAS 29:6

Ñucanchic ñaupa taitacunaca mana cazushpami, ñucanchicta Mandac Diospac ñaupapi mana allita ruhuashca. Mandac Diosta saquishpami, paipac jatun carpa huasimanta shuctac ladota ricushpa huashaiman cutirishcacuna.

2 CRÓNICAS 34:21

—Tarishca libropi ñucamantapish, Israel llactapi, Judá llactapi saquirishca gentecunamantapish ima nicushcata yachangapac Mandac Diosta tapugrichic. Ñucanchic ñaupa taitacuna cai libropi quillcashca shina ruhuashpa, Mandac Dios rimashcacunata mana cazushcamantami Mandac Diosca ñucanchic-huan yallita piñarishpa, ñucanchicta llaquichigricun— nirca.

NEHEMÍAS 9:3

Chaipi shayarishpami, quimsa horascaman paicunata Mandac Dios mandashpa quillcachishcata rezashpa, cutin shuc quimsa horastaca paicunapac juchata huillashpa paicunata Mandac Diosta alli nircacuna.

SALMOS 106:6

Ñucanchic ñaupa taitacuna shinallatacmi juchata ruhuashcanchic. Mana allita ruhuashpami juchallishcanchic.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

SALMOS 76:7

Canca manchana Diosmi cangui. Can piñaricpica, ¿pitac cambac ñaupapi tiyacui pudingayari?

SALMOS 76:8

Jahua pachamantami llaquichinata huillarcangui. Shina huillacpica, tucui cai pachapi causaccunami mancharishpa upalla saquirirca.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

JEREMÍAS 36:7

Paicuna mañashcata Mandac Dios uyaringapishchari. Shinallatac mana alli ruhuanata saquishpa, Mandac Diospac cuchuman chayaringapishchari. Mandac Diosca cai gentecunahuan yallita piñarishcami» nirca.

JEREMÍAS 37:17

Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

LAMENTACIONES 5:7

Ñucanchic taitacunaca juchallishpami huañurca. Paicunamantami ñucanchicca llaquita apacunchic.

DANIEL 9:10

Mandac Dioslla, can mandashca shina causangapacmi, can ima nishcata huillac canta servic canmanta huillacpica, mana cazushcanchic.

LEVÍTICO 26:14

Cancuna mandashcacunata mana uyashpa, mana pactachicpi,

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

ROMANOS 3:20

Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

ROMANOS 4:15

Mandashcacunata mana pactachicpica, Diosca llaquichingami. Mandashcacuna mana tiyacpica, pipish mana juchanchishcachu canga.

ROMANOS 7:9

Ñaupaca ima mandashcacunata mana yachashpami causarcani. Mandashcacunata ñuca yachacpimi, juchaca ñucapi ricurirca. Shinami huañurcani.

DEUTERONOMIO 27:26

Cutin: “¡Cai mandashcapi ima nishcacunata mana cazushpa, mana pactachicca, llaqui tucushca cachun!” nicpica, tucui gentecunami: “¡Chashna cachun!” ninga.

APOCALIPSIS 6:17

Paicuna yallita piñarishpa llaquichina punzhami shamushca. ¿Chai llaquita apanataca pitac pudingayari?» nircacuna.