2 REYES 21:8 - Dios Rimashcata Quillcashcami

⁸ Imata ñuca mandashca shinallatac, ñucata servic Moisés cancunata mandashca shinallatac tucuita cazushpa pactachicpica, cancunapac ñaupa taitacunaman cushca llactamantaca manatac llucchishpa cachashachu» nishcami carca.

2 REYES 21:8 ပူးပေါင်းရင်းမြစ်များ

2 SAMUEL 7:10

Shinallatac ñuca acllashca israelcuna causachunmi shuc llactata acllashpa, tarpushca shina causachun cusha. Chaipimi paicunaca callari punzhapi llaquichishca shina mana pipish llaquichishca causanga.

1 CRÓNICAS 17:9

Shinallatac ñuca acllashca israelcunamanca shuc llactata acllashpami, chaipi tarpushca shina causachun churasha. Chaipimi paicunaca callari punzhapi llaquichishca shinaca pipish mana llaquichishca causanga.

2 CRÓNICAS 33:8

Tucui ñuca mandashcacunata, mandashpa quillcashcacunata, Moisesman mandashca shinallatac pactachishpa causaichic. Shina causacpica, israelcunataca cancunapac ñaupa taitacunaman cushca allpamantaca manatac llucchishpa cachashachu» nishcami carca.

SALMOS 37:3

Mandac Diospi shunguta churashpa allita ruhuailla. Cambac llactapi allita ruhuashpa causailla.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.