2 REYES 21:7 - Dios Rimashcata Quillcashcami

⁷ Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

2 REYES 21:7 ပူးပေါင်းရင်းမြစ်များ

2 SAMUEL 7:13

Paimi ñuca huasitaca shayachinga. Paimanca huiñaita mandanatami cusha.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

1 REYES 8:44

Can acllashca israelcunaca paicunata piñaccunahuan macanacungapac llucshishpaca can cachashca ñantami ringacuna. Chashna rishpaca, can acllashca puebloman, cambac shutipi mañana ñuca shayachishca cai huasiman tigrarishpami cantaca mañangacuna.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

1 REYES 9:7

ñucami israelcunataca paicuna causachun ñuca cushca llactamanta llucchishpa cachasha. Shinallatac ñuca shutipi mañana ñucapac cachun chicanyachishca cai huasitapish ñuca ñaupamanta anchuchishami. Chashna ruhuacpimi, israelcunataca shuc llactacunapi causaccunaca parlanacushpa asingacuna.

2 REYES 16:11

Jatun mandac Acaz tucuita ruhuashpa, Damasco pueblomanta cachashca shinallatacmi Urías curaca altarta ruhuarca. Chaitaca jatun mandac Acaz Damasco pueblomanta cutingacamanmi ruhuarca.

2 REYES 21:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutita churasha» nishca carca.

2 REYES 23:27

Chaimantami Mandac Diosca: «Israel llactapi causaccunata ñuca ñaupamanta anchuchishca shinallatacmi Judá llactapi causaccunatapish anchuchigrini. Shinallatac ñuca acllashca Jerusalén pueblotapish, ñuca: “Chaipimi ñuca shutita churasha” nishca huasitapish chingachigrinimi» nirca.

2 REYES 23:4

Chaimantami jatun mandac Josiasca curacunata mandac Hilciastapish, quipa mandac curacunatapish, pungupi cuidaccunatapish Mandac Diospac huasimanta Baal, Asera huarmi dioscunaman, jahua pacha lucerocunaman ruhuashca imallacunata llucchichun mandarca. Chaicunataca Jerusalenmanta llucchishpami, Cedrón pambapi rupachirca. Chai uchupataca Bet-el pueblopimi shitachun cacharca.

2 REYES 23:6

Shinallatac Asera huarmi diosta yuyarina yuratapish Mandac Diospac huasimanta llucchishpa aparishpami Jerusalenmanta canzhaman Cedrón pambapi rupachirca. Chai pambapi rupachishca, uchupataca chai pueblomanta gentecuna enterrashca jahuapimi shitarca.

2 CRÓNICAS 33:15

Shinallatac Mandac Diospac huasimantaca shuctac llacta dioscunatapish, paillatac ruhuashca dioscunatapish anchuchircami. Mandac Diospac huasi lomapi ruhuashca tucui altarcunatapish, Jerusalenpi ruhuashca altarcunatapish llucchishpami canzhaman shitarca.

2 CRÓNICAS 33:7

Ruhuashcalla diostapish Diospac huasipimi churarca. Chai huasimantami Davidtapish, paipac churi Salomontapish Mandac Diosca: «Cai huasita, shinallatac Jerusalentami tucui Israel aillupuramanta acllarcani. Cai huasipimi ñuca shutica huiñaita causachun churasha.

2 CRÓNICAS 6:6

Ashtahuanpish ñuca shuti chaipi causachunca Jerusalentami acllarcani. Ñuca acllashca israelcunata mandachunca Davidtami acllarcani” nishcami carca.

2 CRÓNICAS 7:12

Chai quipami Mandac Dios Salomonman tuta ricurishpaca: «Can mañashcataca uyarcanimi. Cai huasitaca animalcunata ñucaman cushpa huañuchina huasi cachunmi acllarcani.

2 CRÓNICAS 7:16

Cai huasitaca huiñaita ñuca shuti chaipi causachunmi ñucapaclla cachun acllani. Cai huasimantaca manatac anchurishachu.

2 CRÓNICAS 7:20

ñucami cancunaman cushca llactamanta llucchishpa cachasha. Shinallatac ñuca shutipi mañana ñucapaclla cachun chicanyachishca cai huasitapish ñuca ñaupamanta anchuchishami. Shina ruhuacpimi, tucui llactapi causaccuna parlanacushpa burlashpa asingacuna.

NEHEMÍAS 1:9

Shina cacpipish, ñucaman cutirishpa, ñuca mandashcacunata cazucpica, caita chaita rishca cacpipish cutin tandachishpami ñuca shuti causachun acllashca pushtuman pushamusha” nishcanguimi.

SALMOS 74:2

Ñaupa punzhacunamanta can acllashcacuna cambac aillu cachun llaquimanta llucchishcacunata yuyariyari. Can causana Sión urcutapish yuyariyari.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

JEREMÍAS 32:34

Chaipac randica, ñucata mañana huasipimi paicuna ruhuashca millana dioscunata churashpa mapayachirca.

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

EZEQUIEL 23:38

Ashtahuan millaicunatami ruhuarcacuna. Ñucapaclla huasitapish mapayachircami, samana punzhatapish yangatami ruhuarca.

DEUTERONOMIO 16:21

Mandac Diospac altar ladopica Asera huarmi diosta yuyarina yurataca ama tarpunguichicchu.