2 REYES 21:26 - Dios Rimashcata Quillcashcami

²⁶ Amontaca paita enterrana jutcullapitacmi Uzapac huertapi enterrarca. Paipac churi Josiasmi paipac randi mandarca.

2 REYES 21:26 ပူးပေါင်းရင်းမြစ်များ

1 REYES 13:5

Shina tucucpimi, altarpish paquirirca. Chai altar jahuapi cac uchupapish shic-huarircami. Mandac Dios mandacpi, Diospac cac runa huillashca shinallatacmi tucurca.

2 REYES 21:18

Manasés huañushpa paipac ñaupa taitacunahuan tandanacugricpica, paipac huasipi tiyac Uzapac huertapimi enterrarca. Paipac churi Amonmi paipac randica mandarca.

2 REYES 21:25

Amonpac shuctac ruhuashcacunapish, imacunallata ruhuashcacunapish Judá llactata jatun mandaccuna tucui imata ruhuashcacunata quillcashcapimi tiyacun.

2 REYES 22:1

Josiasca pusac huatata charishpami mandai callarirca. Paica quimsa chunga shuc huatatami Jerusalenpi mandarca. Paipac mamaca Boscat pueblomanta Adaiapac ushi Jedidami carca.

1 CRÓNICAS 3:14

Manasespac churica Amón, Amonpac churica Josiasmi carca.

SOFONÍAS 1:1

Amonpac churi jatun mandac Josías Judá llactata mandacucpimi, Mandac Diosca Cusipac churi Sofoniasman huillarca. Cusica Gedaliaspac churimi carca. Gedaliasca Amariaspac churimi carca. Amariasca Ezequiaspac churimi carca.

SAN MATEO 1:10

Ezequiasca Manasés churitami charirca. Manasesca Amón churitami charirca. Amonca Josías churitami charirca.