2 REYES 21:11 - Dios Rimashcata Quillcashcami

¹¹ «Judá llactata jatun mandac Manasesca cashna millanayai juchacunata ruhuashpami, ñaupa punzhacunapi causac amorreocunatapish ashtahuan yalli mana allita ruhuachirca. Shinallatac paipac ruhuashcalla dioscunahuanmi Judá llactapi causaccunataca juchata ruhuachirca.

2 REYES 21:11 ပူးပေါင်းရင်းမြစ်များ

GÉNESIS 15:16

Cambac huahua huahuacunaca chuscu cutincaman huahua huahuacuna tucushca quipami, caiman cutimunga. Chaicamanca amorreocunaca manarac yalli millai tucungachu— nirca.

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

1 REYES 15:30

Jeroboamca juchacunata ruhuashpami israelcunatapish chai juchallatatac ruhuachishpa Dios-huan piñanacuipi churarca. Chaimantami Mandac Diosca chai shinallatac ruhuarca.

1 REYES 16:19

Mandac Diospac ñaupapi mana allita ruhuashpa juchata ruhuashcamanta, shinallatac Jeroboam ruhuashca juchallatatac ruhuashpa, israelcunatapish juchapi urmachishpa causashcamantami chashnaca tucurca.

1 REYES 21:26

Paica amorreocuna shinami ruhuashcalla dioscunata catishpa, millanayaita ruhuashpa causarca. Amorreocunataca chashna millaita ruhuaccuna cacpimi, Mandac Diosca israelcunapac chaupimanta llucchishpa cacharca.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

2 REYES 21:10

Chaimantami Mandac Diosca paita servic paimanta huillaccunaman huillachishpaca:

2 REYES 21:16

Judá gentecunata juchata ruhuachishca jahuami Manasesca mana faltayuc gentecunata huañuchishpa, Jerusalenpica caishuc ladomanta chaishuc ladocaman yahuarta yallita jicharca.

2 REYES 21:2

Mandac Diospac ñaupapica mana allitami ruhuashpa causarca. Israelcunapac ñaupamanta Mandac Dios llucchishpa cachashca gentecuna ruhuashca shinallatacmi millanayai juchacunata ruhuashpa causarca.

2 REYES 21:20

Paipish Mandac Diospac ñaupapica paipac taita Manasés shinallatacmi mana allita ruhuarca.

2 REYES 21:21

Paipac taita imata ruhuashpa causashca shinallatac, ruhuashcalla dioscunallata servishpa adorashpa causashca shinallatacmi causarca.

2 REYES 21:9

Ashtahuanpish paicunaca mana uyarcacunachu. Manasesca Mandac Dios israelcunapac ñaupamanta tucuchishca gentecunatapish yalli mana allitami ruhuashpa causarca.

2 REYES 23:24

Josiasca Mandac Diospac huasipi Hilcías cura tarishca libropi quillcashcata pactachingapacmi huañushcata mañaccunata, adivinocunata huasipi cac dioscunata, Judá llactapi, Jerusalenpi imapish mapacuna tiyashcataca tucui anchuchirca.

1 CRÓNICAS 1:14

Shinallatac jebuseo, amorreo, gergeseo,

JEREMÍAS 15:4

Paicunataca Ezequiaspac churi, Judá llactata jatun mandac Manasés Jerusalenpi mana allita ruhuashcamantami yallita llaquichisha. Chaita, shuctac llactacunata mandaccuna ricushpaca mancharingami” nini.

EZEQUIEL 16:3

“Mandac Diosca Jerusalentaca: Can huacharishcapish, can causanapish Canaán llactami. Cambac taitaca amorreopuramantami carca. Cutin cambac mamaca heteopuramantami carca.

EZEQUIEL 16:45

Canca cusatapish, huahuacunatapish shitac huarmipac huahuami cangui. Canca cusatapish, huahuacunatapish shitac huarmipac ñañami cangui. Cambac mamaca heteopuramantami, cambac taitaca amorreopuramantami carca.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

EZEQUIEL 5:6

Ashtahuanpish, muyundi llactacunapi causaccunamanta, muyundipi causaccunamanta yallimi ñuca ruhuachun nishcacunataca mana cazushpa, mana manchashpa causarca» nirca.