2 REYES 20:5 - Dios Rimashcata Quillcashcami

⁵ «Ñuca acllashcacunata mandac Ezequiaspacman cutirishpa: “Cambac taita Davidta Mandac Diosca: ‘Can mañashcataca uyanimi. Cambac huiquitapish ricunimi. Cantaca alliyachigrinimi. Quimsa punzha quipaca Mandac Dios ñuca huasiman ringui.

2 REYES 20:5 ပူးပေါင်းရင်းမြစ်များ

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

2 REYES 19:20

Chaimanta Amozpac churi Isaías Ezequiasman huillachun cachashpaca: «Israelcunata Mandac Diosca: “Asiria llactata jatun mandac Senaqueribmanta mañashcataca uyarcanimi” ninmi.

2 REYES 20:4

Pungu chaupi pambaman Isaías manarac llucshicpimi, Mandac Dios Isaiasta rimashpaca:

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

SALMOS 107:20

Pai rimashpami alliyachirca. Chashnami jatun llaquimanta quishpichirca.

SALMOS 119:26

Ñuca causaimanta canman huillacpica, uyarcanguimi. Can mandashcacunata yachachiyari.

SALMOS 126:5

Huacashpa tarpuccunaca cushicushpami cosechangacuna.

SALMOS 147:3

Shungu paquirishcacunata allichicmi. Chugricunata jambishpa tapachicmi.

SALMOS 34:18

Mandac Diosca shungu nanarishcacunapac cuchullapimi. Llaquihuan caccunatapish quishpichingami.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

SALMOS 56:8

Canmi ñuca purishcatapish yupashca shina tucuita yachangui. Ñuca huiquitapish tandashpami charicungui. Tucuitami quillcashpa charicungui.

SALMOS 56:9

Ñuca canta mañai punzhaca ñucata piñaccunaca cutishpa callpangacunami. Dios ñuca ladopi cashcataca yachanitacmi.

SALMOS 6:10

Tucui ñucata piñaccunami yallita pingashpa yuyaita chingachingacuna. Cungailla pingaichicpimi callpangacuna.

SALMOS 65:2

Ñuca mañashcataca uyangui. Tucui runacunami cambacman shamungacuna.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ÉXODO 3:9

Riquichic, Egipto runacuna israelcunata llaquichicuctapish ricunimi. Israelcuna huacashpa mañashcatapish uyarcanimi.

ISAÍAS 19:22

Mandac Diosca Egiptopi causaccunataca chugrichingami. Shina chugrichishpapish paillatacmi alliyachinga. Mandac Diospacman paicuna cutiricpica, llaquishpami alliyachinga.

ISAÍAS 38:22

Shina nicpimi, Ezequiasca Isaiastaca: —¿Imata ricushpatac Mandac Diospac huasiman rishayari?— nirca.

ISAÍAS 38:5

«Ezequiaspacman rishpa: “Ñaupa taita Davidta Mandac Diosca: Can mañashcata uyarcanimi. Cambac huiquitapish ricurcanimi. Riqui, can causana punzhacunataca chunga pichca huatatami mirachini.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

SAN MATEO 22:32

“Ñucaca Abrahampac, Isaacpac, Jacobopac Diosmi cani” ninmi. Diosca mana huañushcacunapac Dioschu, ashtahuanpish causaccunapac Diosmi— nirca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 18:10

«Ishcai runacunami Diosta mañana huasiman rishpa mañacurca. Shucca fariseomi carca, caishucca impuestota japicmi carca.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 9:16

«Caya cai horasllatacmi Benjamín aillupac llactamanta shuc runata cambacman cachasha. Paitaca ñuca acllashca israelcunata mandac cachun aceitehuan cahuingui. Paimi ñuca acllashcacunataca filisteocunapac maquimanta quishpichinga. Ñuca acllashcacuna llaquilla causacushcata ricushcanimi. Paicuna caparishpa mañashcaca ñucamanmi uyarirca» nirca.