2 REYES 20:3 - Dios Rimashcata Quillcashcami

³ «Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

2 REYES 20:3 ပူးပေါင်းရင်းမြစ်များ

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 5:22

Enocca Matusalén churita charishca quipaca Dios munashca shinami causarca. Shinallatac quimsa patsac huatata causashpami churicunatapish, ushicunatapish charirca.

GÉNESIS 5:24

Enocca Dios munashca shinami causarca. Chaimantami Dios apacpi chingarirca.

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

1 REYES 11:4

Salomón ña yuyac cacpimi, chai huarmicunaca shuctac dioscunata catichun paipac shunguta pandachirca. Paipac taita David tucui shunguhuan paita Mandac Diosta cazushca shinaca mana cazurcachu.

1 REYES 15:14

Ashtahuanpish lomapi tiyac altarcunataca mana anchuchircachu. Shina cashpapish, Asapac shunguca tucui causaipimi Mandac Dios-huan alli carca.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 3:6

Shina nicpi, Salomonca: —Canca canta servic ñuca taita Davidtaca yallitami llaquircangui. Paica cambac ñaupapica cashcata ruhuashpa alli shunguhuanmi purirca. Chaimantami can yallita llaquishcataca paiman allichishpa charicushcangui. Chashna charishpami, pai mandashpa tiyacucpica, paipac churita churashcangui. Chaica cunan cai punzhami pactamushca.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

1 REYES 8:61

Cancunapac shunguca ñucanchicta Mandac Dios-huan alli cachun. Pai mandashcacunata, quillcashca shimicunata cunan punzhacaman pactachishca shinallatac pactachinguichic» nirca.

1 REYES 9:4

Cambac taita David causashca shinallatac alli causangui. Tucui shunguhuan ñucata cazushpa, tucuipac allita ruhuashpa, ñuca mandashcacunata pactachishpa, ñuca quillcachishcacunata, imata ruhuachun nishcacunata pactachishpa causangui.

2 REYES 20:2

Shina nicpimi, Ezequiasca pirca ladoman tigrarishpa, Mandac Diosta mañashpaca:

2 REYES 20:4

Pungu chaupi pambaman Isaías manarac llucshicpimi, Mandac Dios Isaiasta rimashpaca:

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

NEHEMÍAS 13:14

Ñuca mañashpaca: «¡Ñuca Dioslla, chashna allicunata ruhuashcamantaca ñucata yuyaringuiyari! ¡Diospac huasipi cuyaihuan imata ruhuashcatapish, canta servishcatapish ama cungaringuichu!» nircani.

NEHEMÍAS 13:22

Chai quipami samana punzhaca Diospaclla chicanyachishca punzha cachun levitacunataca Diospaclla tucushpa, pungucunapi cuidac shamuchun mandarcani. Ñuca: «¡Dioslla, ñuca chashna ruhuashcacunataca yuyaringuiyari! ¡Canca llaquicmi cangui! ¡Chaimanta ñuca mana allita ruhuashcacunataca cungaringuiyari!» nircani.

NEHEMÍAS 13:31

Ima horas Diosman cuna yantata, punta pucushca granota cunatapish allichircanimi. «¡Ñuca Dioslla, ñuca chashna ruhuashcamantaca ñucamanpish allita ruhuanata yuyaringuiyari!»

NEHEMÍAS 5:19

«Ñuca Dioslla, cai llactapi causaccunaman cai tucui allicunata ruhuashcamantaca ñucamanpish allita ruhuangapac yuyaringuiyari» nircani.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

JOB 1:8

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, ñucata manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu— nirca.

JOB 16:20

Ñucamanta rimaccunaca ñuca ricsishcacunallatacmi. Ashtahuanpish Diospac ñaupapimi huiquita urmachishpa mañasha.

JOB 4:6

¿Manachu canca Diosta manchashpa, causac carcangui? ¿Manachu canca imatapish cashcata ruhuashpa, causac carcangui?

SALMOS 102:9

Chaimantami tandata shina uchupata micurcani. Ñuca ubianataca huiquihuanmi chapuni.

SALMOS 119:26

Ñuca causaimanta canman huillacpica, uyarcanguimi. Can mandashcacunata yachachiyari.

SALMOS 119:49

Canta servic ñucaman can cusha nishcataca yuyariyari. Ñucaca chai yuyaillami shuyacuni.

SALMOS 145:18

Mandac Diosca, mana nic tucushpalla paita mañaccunapac cuchupimi.

SALMOS 25:7

Huambrarac cashpa juchata ruhuashcacunatapish, canta cariyashcatapish ama yuyarichu. Mandac Dioslla, can llaquic cuyac, cuyac cashcamanta ñucata yuyariyari.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

SALMOS 26:3

Can llaquishcataca ñuca yuyaipimi charini. Cambac mana llullashca shimi nishca shinami causani.

SALMOS 32:2

Mandac Dios mana juchanchishca runaca cushicunmi. Paipac shungupica llullana munaica mana tiyanchu.

SALMOS 39:13

Ama ashtahuan ñucata piñarishpa chapaichu. Ñucaca cushicuitami japisha. Causaitaca amarac quichuichu» nircani.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

SALMOS 6:7

Huacacucllapitacmi ñahuipish amsayan. Ñucata piñaccuna huacachicpimi, ñuca ñahuica amsayashpa ña mana ashtahuan ricun.

SALMOS 89:47

Ñuca causaica llandu shinalla cashcataca yuyaringuiyari. ¿Imapactac aichayuc runapac huahuacunataca ruhuarcanguiyari?

SALMOS 89:50

Jatun Dioslla, canta servicta burlashpa llaquichicucta ricuiyari. Tauca gentecuna mana alli nishpa rimashcataca ñuca shungupimi charicuni.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

ISAÍAS 63:11

Shina cacpipish, ñaupa punzhacuna israelcunata Moisés llucchimushcatami yuyarirca. Chaimantami paicunaca: «¿Maipitac michic shina paipac ovejacunata mama cuchata pasachishpa, huichai pushamucca? ¿Maipitac paicunapac ñaupapi paipac jucha illac Espirituta churacca?

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

AMÓS 5:4

Chashna cacpipish, Mandac Diosca israelcunataca: «Ñucapacman shamuichic, causanguichicmi.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.