2 REYES 20:20 - Dios Rimashcata Quillcashcami

²⁰ Ezequiaspac shuctac ruhuashcacunapish, sinchita mandashcapish, yacu tanqueta ima shina ruhuashcapish, pueblo ucuman yacuta apashcapish, Judá llactata jatun mandaccuna imata ruhuashcacunata quillcashcapimi tiyacun.

2 REYES 20:20 ပူးပေါင်းရင်းမြစ်များ

1 REYES 14:19

Jeroboam ashtahuan ima ruhuashcapish, jatun macanacuita ruhuashcapish, shinallatac ima shina mandashcapish, Israel llactata jatun mandaccuna imata ruhuashcacunata quillcashcapimi tiyacun.

1 REYES 14:29

Roboampac shuctac ruhuashcacunapish, imacunallata ruhuashcacunapish Judá llactata jatun mandaccuna imata ruhuashcacunata quillcashcapimi tiyacun.

1 REYES 15:23

Asapac shuctac ruhuashcacunapish, alli sinchi cashcapish, tucui imacunallata ruhuashcacunapish maijan pueblocunata shayachishcapish, Judá llactata jatun mandaccuna, imata ruhuashcacunata quillcashcapimi tiyacun. Shina cashpapish pai ña yuyac cacpica, chaqui nanai ungüimi paitaca japirca.

1 REYES 15:7

Abiampac shuctac ruhuashcacunapish, imacunallata ruhuashcacunapish Judá llactata jatun mandaccuna, imata ruhuashcacunata quillcashcapimi tiyacun. Abiamca Jeroboamhuanmi macanacushpa catirca.

2 REYES 15:26

Pekaiapac shuctac ruhuashcacunapish, imacunallata ruhuashcacunapish Israel llactata mandaccuna imata ruhuashcacunata quillcashcapimi tiyacun.

2 REYES 15:6

Azariaspac shuctac ruhuashcacunapish, imacunallata ruhuashcacunapish, Judá llactata jatun mandaccuna imata ruhuashcacunata quillcashcapimi tiyacun.

2 REYES 16:19

Acazpac shuctac ruhuashcacunapish, imacunallata ruhuashcacunapish, Judá llactata jatun mandaccuna imata ruhuashcacunata quillcashcapimi tiyacun.

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 23:28

Josiaspac shuctac ruhuashcacunapish, imacunallata ruhuashcacunapish Judá llactata jatun mandaccuna tucui imata ruhuashcacunata quillcashcapimi tiyacun.

2 REYES 8:23

Jorampac shuctac ruhuashcacunapish, imacunallata ruhuashcapish Judá llactata mandaccuna imata ruhuashcata quillcashcapimi tiyacun.

2 CRÓNICAS 32:24

Chai huatacunapimi Ezequiastaca huañuchiclla ungüi japirca. Chaimantami Ezequiasca Mandac Diosta mañarca. Shina mañacpica, Mandac Dios uyashpami, shuc ricuchinata ricuchirca.

2 CRÓNICAS 32:3

Chaimantami pai churashca mandaccunahuan, alli sinchi macanacuc soldadocunahuan pueblomanta canzhaman tiyac yacucunata allpahuan tapanata yuyarirca. Shina nicpimi, paicunaca allimi nircacuna.

2 CRÓNICAS 32:30

Ezequiasmi Gihonpi tucyacuc yacutaca jahuapi jarcashpa, inti tigrana tiyac Davidpac puebloman aparca. Shinami Ezequiasca imata ruhuashpapish allita ruhuarca.

2 CRÓNICAS 32:32

Ezequías imata ruhuashcacunapish, shuccunata llaquic cashcapish, Dios ima nishcata huillac Isaías huillashpa quillcashcapimi tiyacun.

2 CRÓNICAS 32:4

Chaimantami achca gentecuna tandanacushpa yacu junducunatapish chai llacta chaupita ric yacutapish tapashpaca: «Asiria llactata jatun mandaccunaca, ¿imatac achca yacutaca taringayari?» nishpami tucui taparca.

NEHEMÍAS 2:14

Chai quipaca junduman llucshina punguta rishpami, jatun mandacpac jatun paila yacu ladoman cuchuyarcani. Ashtahuanpish ñuca montashpa ricuc caballohuanca mana pasaipacchu cashcarca.

NEHEMÍAS 3:16

Paipac ladopica Azbucpac churi Nehemiasmi allichirca. Paica Bet-sur chaupi llactatami mandacurca. Paimi Davidtapish, paipac familiacunatapish enterrashca jutcu tupanacuicaman, ruhuashcalla junducaman, sinchi runacunapac huasi ladocaman allichirca.