2 REYES 20:19 - Dios Rimashcata Quillcashcami

¹⁹ Shina nicpi, Ezequiasca Isaiastaca: —Mandac Diospac rimashcata ñucaman huillashcaca allimi. Paica: «Ñuca causacui punzhacunapica cushilla, sumaclla causaipish tiyangami» nishpami yuyarcani— nirca.

2 REYES 20:19 ပူးပေါင်းရင်းမြစ်များ

1 REYES 11:12

Shina cashpapish, cambac taita Davidta cuyashcamantami can causacui punzhapica mana chaita ruhuasha. Cambac churipac maquimantami quichusha.

1 REYES 2:38

Shina nicpimi, Simeica jatun mandactaca: —Allitami ningui, ñuca amo can jatun mandac nishca shinallatacmi, canta servic ñucaca ruhuasha— nirca. Simeica tauca punzhacunatami Jerusalenpi causarca.

2 REYES 20:20

Ezequiaspac shuctac ruhuashcacunapish, sinchita mandashcapish, yacu tanqueta ima shina ruhuashcapish, pueblo ucuman yacuta apashcapish, Judá llactata jatun mandaccuna imata ruhuashcacunata quillcashcapimi tiyacun.

2 REYES 22:20

Chaimantami can huañucpipish, cambac ñaupa taitacunahuan tandachisha. Canca ima llaquipish illacmi enterrashca cangui. Tucui jatun llaquicunata cai llactaman cachactaca canca mana ricunguichu’ ninmi” nigrichic» nirca. Chashna nicpimi jatun mandacman huillangapac cutircacuna.

ESTER 9:30

Mardoqueoca jatun mandac Asuero mandacuc patsac ishcai chunga canchis llactacunapi causac Judá gentecunamanmi cushi causai tiyana shimicunahuan, cashcata nic rimaicunahuan sumacta quillcashpa cacharca.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

SALMOS 39:9

Canllatac ñucata llaquichishcamantami mana rimashpa upalla saquirini.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

LAMENTACIONES 3:22

Mandac Dios llaquic cacpimi, mana tucurishcanchic. Paica ñucanchicta llaquicunllami.

LAMENTACIONES 3:39

Juchamanta llaquichishca runaca, ¿imamantatac llaquirin?

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

SAN LUCAS 2:10

Chaimantami angelca: —Ama mancharichicchu. Cancunaman alli huillaita huillangapacmi shamuni. Caita uyashpaca, tucuimi yallita cushicunga.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.