2 REYES 20:14 - Dios Rimashcata Quillcashcami

¹⁴ Chaimantami Dios ima nishcata huillac Isaías jatun mandac Ezequiaspacman shamushpaca: —¿Cambacman shamuc chai runacunaca imatatac nirca? ¿Maimantatac shamurca?— nishpa tapurca. Shina nicpimi Ezequiasca: —Paicunaca caru llacta Babiloniamantami shamushca— nirca.

2 REYES 20:14 ပူးပေါင်းရင်းမြစ်များ

2 REYES 20:13

Ezequiasca paicuna chayacpica, yalli valiccunahuan allichishca ucutapish, cullquitapish, curitapish, mishquilla ashnacuc jambicunatapish, yalli valishca aceitetapish, macanacunata huacaichina ucutapish, ima tiyashcacunatapish tucuimi ricuchirca. Ezequiasca imata mana pacashpami, paipac huasipi, pai mandacuc llactacunapi tucui ima tiyashcata ricuchirca.

2 REYES 20:15

Shina nicpimi, cutinllatac tapushpaca: —¿Cambac huasipica imatatac ricurcacunayari?— nirca. Shina nicpimi Ezequiasca: —Ñuca huasipica tucui ima tiyashcatami ricurcacuna. Allichishca huasipi ima tiyashcataca imata mana pacashpami ricuchircani— nirca.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

ISAÍAS 13:5

Mandac Diosca caru llactamanta, jahua pacha tucurimantami yallita piñarishpa, tucui cai pachata tucuchingapac paita servic soldadocunahuan shamun.

EZEQUIEL 23:23

Babilonia llacta gentecunata, caldeocunata, Pecod, Soa, Coa llacta gentecunata, Asiria llacta gentecunatami cachasha. Paicunaca alaja mosocuna, mandaccuna, soldadocunata mandaccunami. Shinallatac alli sinchi, caballocunapi alli montac, alaja mosocunami can.

NÚMEROS 22:9

Chaipimi Mandac Dios Balaampacman shamushpaca: —¿Caipi canhuan tiyacuc runacunaca picunatac?— nirca.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.

JOSUÉ 9:6

Gilgal pambapi Josuepish, israelcunapish carpa huasicunata shayachishpa tiyacushcaman chayashpaca: —Ñucanchicca caru llactamantami shamunchic. Cunanca, imatapish pactachingapac ari nichunmi cancunahuan parlanacungapac shamunchic— nirca.

JOSUÉ 9:9

Shina tapucpi paicunaca: —Canta servic ñucanchicca caru llactamantami shamunchic. Chaica, canta Mandac Dios mai allicunata ruhuashcata shinallatac Egiptopi imata ruhuashcata yachashpami shamunchic.