2 REYES 20:13 - Dios Rimashcata Quillcashcami

¹³ Ezequiasca paicuna chayacpica, yalli valiccunahuan allichishca ucutapish, cullquitapish, curitapish, mishquilla ashnacuc jambicunatapish, yalli valishca aceitetapish, macanacunata huacaichina ucutapish, ima tiyashcacunatapish tucuimi ricuchirca. Ezequiasca imata mana pacashpami, paipac huasipi, pai mandacuc llactacunapi tucui ima tiyashcata ricuchirca.

2 REYES 20:13 ပူးပေါင်းရင်းမြစ်များ

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

1 REYES 10:15

Randishpa catushpa causaccuna, mishquilla ashnacuc jambinacunata caru llactamanta apamushpa catuccuna Arabia llactata tucui jatun mandaccuna pai mandacuc llactapi churashca mandaccuna cushcacunacarin mana yupashcami carca.

1 REYES 10:2

Chai huarmica paita cuidac achca gentecunata pushamushpami, Jerusalenman shamurca. Paica mishquilla ashnacuc jambicunata, achca curita, alaja rumicunata camellocunapi apachishpami shamurca. Salomonpacman chayamushpaca, paipac shungupi tucui ima yuyashcatami parlarca.

1 REYES 10:25

Tucui paiman cungapacca curimanta, cullquimanta ruhuashca alaja charinacunata, churarinacunata, macanacunata, mishquilla ashnacuc jambicunata, caballocunatami huatanta apamuccuna carca.

2 REYES 20:14

Chaimantami Dios ima nishcata huillac Isaías jatun mandac Ezequiaspacman shamushpaca: —¿Cambacman shamuc chai runacunaca imatatac nirca? ¿Maimantatac shamurca?— nishpa tapurca. Shina nicpimi Ezequiasca: —Paicunaca caru llacta Babiloniamantami shamushca— nirca.

2 REYES 20:15

Shina nicpimi, cutinllatac tapushpaca: —¿Cambac huasipica imatatac ricurcacunayari?— nirca. Shina nicpimi Ezequiasca: —Ñuca huasipica tucui ima tiyashcatami ricurcacuna. Allichishca huasipi ima tiyashcataca imata mana pacashpami ricuchircani— nirca.

SALMOS 62:11

Mandac Dios rimashcataca ishcai cutinmi uyarcani. Paica: «Ñucami tucuita ruhuacpish,

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

ECLESIASTÉS 7:20

Cai pachapica cashcata ruhuac, allita ruhuac, jucha illac runaca shucllapish mana tiyanchu.

ISAÍAS 39:2

Chashna cachacpimi, Ezequiasca cushilla paicunata chasquirca. Chaimantami paipac yalli valishcacunata huacaichina huasita ricuchirca. Chaipica cullquipish, curipish, mishquilla ashnacuc jambicunapish, yallita valishca aceitepishmi carca. Shinallatac macanacunata huacaichishca huasitapish, ima shuc sumaccunata huacaichina ucutapishmi ricuchirca. Ezequiasca imata mana pacashpami paipac huasipi, pai mandacuc llactacunapi tucui ima tiyashcacunata ricuchirca.

JEREMÍAS 9:22

Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.