2 REYES 2:6 - Dios Rimashcata Quillcashcami

⁶ Eliasca Eliseotaca: —Ñucataca Mandac Diosmi Jordán yacuman richun nin. Chaimanta cunanca, caipi saquirilla— nirca. Shina nicpimi Eliseoca: —¡Mandac Diospac shutipi, cambac shutipimi nini: Canllataca manatac saquishachu!— nirca. Chaimantami ishcaita rircacuna.

2 REYES 2:6 ပူးပေါင်းရင်းမြစ်များ

GÉNESIS 22:6

Abrahamca rupachina yantata paipac churi Isaaman apachishpami, paica cuchillotapish, ninatapish apashpa, ishcaita rirca.

GÉNESIS 22:8

Shina nicpimi Abrahamca: —Ñuca huahualla, Diosllatacmi rupachina ovejataca cunga— nirca. Shina nishpaca, purishpa catircacunallami.

2 REYES 2:2

Chaipimi Eliasca, Eliseotaca: —Ñucataca Mandac Diosmi Bet-el puebloman richun nin. Cunanca caipi saquirilla— nirca. Shina nicpimi Eliseoca: —¡Mandac Diospac shutipi, cambac shutipimi nini: Canllataca manatac saquishachu!— nirca. Chaimantami Bet-el puebloman ishcaita urai rircacuna.

2 REYES 4:30

Shina nicpimi, chai huahuapac mamaca: —¡Mandac Diospac shutipi, cambac shutipimi nini: Cantaca manatac saquishpa rishachu!— nirca.

JOSUÉ 3:15

(Chai yacuca cosecha punzhacunapica, patacamanmi jundac carca). Ashtahuanpish Diospac Arcata huanduccuna Jordán yacu pataman chayashpami, chai huandushpa ric curacuna chaquicunata apyacpica,

JOSUÉ 3:8

Ñuca ari nishca quillcata huacaichina Arcata huandushpa ric curacunataca: “Jordán yacu pataman chayashpa, chaipi shuyanguichic” ningui» nirca.

RUT 1:16

Ashtahuanpish Rutca: —Canta saquishpa, canmanta caruyachun ama mañaichuyari. Can maiman ricpipish, ñucapish chaimanmi risha. Can maipi causacpipish chaipimi causasha. Cambac llactapish ñuca llactami canga. Cambac Diospish ñuca Diosmi canga.

1 SAMUEL 1:26

Shina cushpami Anaca: —¡Ñuca amitolla! Canca causacunguimi. Cambac ladopi mañashpa tiyacushca huarmillatacmi cani.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.