2 REYES 2:15 - Dios Rimashcata Quillcashcami

¹⁵ Jordán yacu chimbapi tiyac Jericó pueblopimi, Dios ima nishcata huillaccunapac churicunaca shayacurca. Chaipimi paicunaca: «¡Eliaspac espirituca Eliseopimi causacun!» nirca. Shina nishpami, Eliseopacman rishpa, pambacaman cumurircacuna.

2 REYES 2:15 ပူးပေါင်းရင်းမြစ်များ

1 REYES 19:16

Nimsipac churi Jehutaca Israel llactata jatun mandac cachun, aceitehuan cahuingui. Shinallatac Abel-mehola pueblopi causac Safatpac churi Eliseotaca cambac randi ñuca ima nishcata huillac cachun aceitehuan cahuingui.

1 REYES 20:35

Shina cacpimi, Dios ima nishcata huillaccunapuramanta shucca Diosllatac mandacpi caishuc huillactaca: —¡Ñucata huactai!— nirca. Ashtahuanpish chai huillacca mana huactanata munarcachu.

2 REYES 2:19

Jericó pueblopi causaccunami Eliseotaca: —Riqui, cai puebloca ñuca amo ricushca shinallatac alli pushtupimi. Shina cashpapish yacuca mana allichu. Shinallatac allpapish mana pucuc allpachu— nirca.

2 REYES 2:7

Chaiman chayashpaca, Jordán yacu ladopimi ishcaita shayarirca. Chaipi shayacucpimi, Dios ima nishcata huillaccunapac pichca chunga churicuna shamushpa, paicunamanta carupi shayarirca.

2 REYES 4:37

Shina nicpi, chai huarmi ucuman yaicushpaca, Eliseopac chaqui ladopi allpacaman cumurirca. Chai quipami paipac huahuata japishpa, chai ucumanta llucshirca.

2 REYES 5:22

Shina tapucpimi Giezica: —Allillami cani. Shina cacpipish, ñucata mandacmi: “Efraín urcumantami Dios ima nishcata huillaccunapac ishcai churi ñucapacman cunanlla chayamun. Paicunaman carangapacmi shuc talento cullquita, ishcai mushuc churanata cui” nichun cachan— nirca.

2 REYES 9:1

Eliseoca Dios ima nishcata huillacpuramanta shucta cayashpami: «Allichirishpa, cai uchilla puñu aceiteta apashpa, Galaad llacta Ramot puebloman ri.

ISAÍAS 11:2

Paihuanmi Mandac Diospac Espirituca causanga. Chai Espiritumi alli yuyaitapish, alli yachaitapish, cunana yuyaitapish, fuerzatapish paiman cunga. Shinallatac alli yachana yuyaitapish, Mandac Diosta manchana yuyaitapish cungami.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

AMÓS 7:14

Shina rimacpimi, Amosca Amasiastaca: —Ñucaca, mana Dios ima nishcata huillacchu cani, mana huillacpac churichu cani. Ashtahuanpish huagrata michishpa, sacha higota pallacmi cani.

NÚMEROS 27:20

Shinallatac tucui israelcuna paita cazuchunca cambac mandana asha yuyaita paiman cui.

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

JOSUÉ 3:7

Chashna nishca quipami Mandac Diosca Josuetaca: «Cunan punzhamanta pachami cantaca israelcunapac ñaupapi jatunyachigrini. Chashna ruhuacpimi, Moises-huan ima shinami carcani, chashnallatac canhuanpish, cashcata yachangacuna.

JOSUÉ 4:14

Chai punzhami Mandac Diosca tucui israelcunapac ñaupapi Josuetaca jatunyachirca. Israelcunaca Moisesta cazushca shinallatac paitapish tucui causaipi cazurcacuna.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.

1 SAMUEL 10:5

Chaimanta rishpaca, filisteo soldadocuna cuidacuc Diospac lomamanmi chayangui. Chai puebloman ña yaicushpaca, Dios ima nishcata huillaccuna tandanacushpa chai lomamanta urai shamucucpimi tupangui. Paicunapac ñaupataca saltereopi, panderopi, flautapi, arpapi tocashpami shamucunga. Paicunaca Dios ima nishcata huillashpami shamucunga.