2 REYES 2:11 - Dios Rimashcata Quillcashcami

¹¹ Paicuna chashna parlanacushpa ricucllapitacmi, nina japiricuc caballocunaca nina japiricuc carretacunata aisashca shamushpa, paicunata chicanyachirca. Shina chicanyachicpimi, Eliasca acapana huairapi huichai rirca.

2 REYES 2:11 ပူးပေါင်းရင်းမြစ်များ

GÉNESIS 5:24

Enocca Dios munashca shinami causarca. Chaimantami Dios apacpi chingarirca.

2 REYES 2:1

Mandac Dios Eliasta acapana huairahuan jahua pachaman apagricucpimi, Eliasca Eliseohuan Gilgal puebloman shamurca.

2 REYES 6:17

Chaimanta Eliseo Diosta mañashpaca: «Mandac Dioslla, pai ricuchun paipac ñahuita pascaiyari» nishpa mañarca. Chashna mañacpimi, Mandac Diosca chai servicpac ñahuita pascarca. Chashna pascacpimi, paica Eliseopac muyundipi caballocunapi ric gentecuna nina japirishca carretacuna chai loma junda shayacucta ricurca.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

HABACUC 3:8

Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

APOCALIPSIS 11:12

Chai ishcai huillaccunaca jahua pachamanta: «¡Caiman huichicuichic!» nishpa, sinchita caparishcatami uyarcacuna. Chaipica paicunata piñaccuna ricucucpimi puyupi huichicurca.