2 REYES 19:4 - Dios Rimashcata Quillcashcami

⁴ Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

2 REYES 19:4 ပူးပေါင်းရင်းမြစ်များ

GÉNESIS 22:14

Chaimantami Abrahamca chai urcutaca: «Mandac Diosca ima illashcata cunllami» nishpa shutichirca. Cunancamanmi chai urcutaca: «Mandac Diosca ima illashcata cunllami» nishpa cayancuna.

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

2 REYES 18:13

Ezequías chunga chuscu huatata mandacucpimi, Asiria llactata jatun mandac Senaqueribca Judá llacta muyundi pircashca pueblocunapi causaccunata huañuchishpa, chai pueblocunata japirca.

2 REYES 19:16

Mandac Dioslla, cambac ringrihuan uyaiyari, cambac ñahuihuan ricuiyari. Senaquerib nichun cachashcacunata uyaiyari. Paica causac Diosta mana alli nichunmi cachashca.

2 REYES 19:22

¿Pitatac mana alli nishpa rimarcangui? ¿Pitatac jatun tucushpa caparircangui? ¡Israelcunapac jucha illac Diostamari rimarcangui!

2 REYES 19:23

Cambac huillaccunata cachashpami, Mandac Diosta mana alli nishpa rimashcangui. Canca: ‘Ñucapac achca carretacunahuanmi urcu puntacunaman, Líbano urcu lomacunaman rircani. Jatun cedro yuracunata, ashtahuan alaja ciprés yuracunatami pitisha. Ashtahuan carupimi tiyacusha. Ashtahuan sumac pangasapa yuracuna ucupimi tiyacusha.

2 REYES 19:3

Paicuna chaiman chayashpaca: «Ezequiasca: “Cunan punzhaca pingaichishca, rimai tucushca, jatun llaqui punzhapimi canchic. Huahuata shuc huarmi ña sajuarigricushpa fuerza illac saquiric shinami canchic.

2 REYES 19:30

Judá llactapuramanta, mana huañushpa saquirishca gentecunaca, allpapi sapi saquirishca shina, huiñashpa, pucuc shinami canga.

2 REYES 19:31

Jerusalenmantaca, maijanpish puchushcami llucshinga. Sión urcumantaca mana huañushpa quishpirishcacunami llucshinga. ¡Tucuita Mandac Diosmi, yallita juchallishcamanta chashna ruhuanga!

2 REYES 19:5

Jatun mandac Ezequiasta serviccuna Isaiaspacman chayacpimi,

2 CRÓNICAS 32:20

Chaimantami jatun mandac Ezequiaspish, Amozpac churi Dios ima nishcata huillac Isaiaspish jahua pachapi causac Mandac Diosta caparishpa mañarca.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

SALMOS 74:18

Mandac Dioslla, canta piñaccuna canta camishcataca amatac cungaringuichu. Imatapish mana entendic gentecunami canta camincuna.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

JEREMÍAS 23:36

Cancunaca jaicapi: “Mandac Diosmi huillachun nirca” nishpaca, ama ninguichicchu. Chaica maijanpish chai rimashcata huillacpica, chai huillashcaca llashac carga shinami tucunga. Causac Diospac, tucuita Mandac ñucanchic Diospac rimashcata mana allita ruhuashcamantami chashnaca tucunga.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

JEREMÍAS 42:9

Chashna cayashpaca: «Cancunaca ñucataca israelcunata Mandac Diosta cancunamanta mañachunmi cacharcanguichic. Paica:

EZEQUIEL 36:37

Mandac Dios ñucaca: Israelcuna cutin ñucata mañashcata uyashpami, ovejacunata mirachic shina mirachisha.

ROMANOS 11:5

Chai shinallatacmi cunanpish Diosca paipac cuyaillamanta maijancunata acllashca.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

DEUTERONOMIO 32:36

Mandac Diosca pai acllashcacunataca cashcata ruhuashpami taripanga. Paita serviccunata llaquingami. Ña fuerza illac cacpi, pipish mana saquiricpi, prezucunapish, mana prezucunapish mana saquiricpi llaquingami.

JOSUÉ 14:12

Chai punzhapi Mandac Dios nishca shinallatac chai urcucunataca ñucaman cuiyari. Chai punzhacunapica canllatacmi chai llactapi anaquitacuna causashcata, pueblocunapish muyundi pircashca cashcata, jatun pueblocuna cashcatapish uyarcangui. ¡Shina cacpipish, Mandac Dios nishca shina, pai ñucahuan cashcamantaca chai runacunataca chai pueblocunamanta llucchishpa cachashallami!— nirca.

JOSUÉ 3:10

Cancunaca caita ricushpami, causac Dios cancunapac chaupipi cashcataca yachanguichic. Paimi cunanca cananeocunatapish, heteocunatapish, heveocunatapish, ferezeocunatapish, gergeseocunatapish, amorreocunatapish, jebuseocunatapish cancunapac ñaupamanta llucchishpa cachanga.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 17:10

Shinallatac: —¡Cunanmi ñucaca Israel soldadocunahuan ricunacusha nini! ¡Ñucahuan macanacuchun shuc runata cachaichic!— nirca.

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

1 SAMUEL 17:45

Chaimantami Davidca chai filisteotaca: —Canca ñucahuan macanacungapacca espadahuan, uchilla lanzahuan, jatun lanzallahuanmi shamungui. Ashtahuanpish ñucaca tucuita Mandac Dios, Israel soldadocunapac Mandac Diospac shutipimi canhuan macanacungapac shamuni. Canca chai Diostami rimarishpa piñachircangui.