2 REYES 19:3 - Dios Rimashcata Quillcashcami

³ Paicuna chaiman chayashpaca: «Ezequiasca: “Cunan punzhaca pingaichishca, rimai tucushca, jatun llaqui punzhapimi canchic. Huahuata shuc huarmi ña sajuarigricushpa fuerza illac saquiric shinami canchic.

2 REYES 19:3 ပူးပေါင်းရင်းမြစ်များ

2 REYES 18:29

Pai jatun mandacca: “Ezequías nishcataca ama crichicchu. Paica ñuca maquimanta mana cacharichi pudingachu.

2 REYES 19:2

Chai quipami mayordomo Eliaquimtapish, quillcac Sebnatapish, curacunata mandac runacunatapish sharpa churanata churachishpa Dios ima nishcata huillac Amozpac churi Isaiaspacman cacharca.

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.

SALMOS 95:8

«Meriba pambapi ruhuashca shina, shitashca pamba Masapi ruhuashca punzhacuna shina ama cancunapish rumi shungu tucuichicchu.

ISAÍAS 66:9

Ñucallatac sajuarina cuerpota pascac cashpaca, ¿manachu sajuarichi pudini? Chashna sajuarichic cashpaca, ¿imapactac jarcashayari?» nini. Chaitaca Mandac Dios ñucami nini.

OSEAS 13:13

Shuc huarmita sajuarina nanai japic shinami, cungailla nanaica japinga. Sajuarina punzha pactacpi, llucshinata mana yachac yuyai illac huahua shinami canga.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.