2 REYES 19:29 - Dios Rimashcata Quillcashcami

²⁹ Ima tucuna cashcata Isaías, Ezequiasman ricuchishpaca: Cai huatapish, quipa huatapish paillatac huiñashca granotami micunguichic. Ña quimsa huata tucucpica, cancuna tarpushca granotami cosechanguichic. Uvastapish tarpushpami, chai chagramanta micunguichic.

2 REYES 19:29 ပူးပေါင်းရင်းမြစ်များ

2 REYES 19:21

Chai jatun mandacmanta Mandac Dios rimashpaca: “Sión pueblopi causaccunaca, carihuan manarac chayarinacushca soltera shinami, burlashpa asincuna. Jerusalén pueblopi causaccunaca can cutiricpica, umata cuyuchishpami asincuna.

SALMOS 107:37

Alli chagracunatami ruhuancuna. Uvas chagracunatami tarpuncuna. Chaicunamantaca alli granotami tandancuna.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ISAÍAS 37:30

Jatun mandac Ezequiaslla, caimi canmanca shuc señal canga: Cai huatapish, shamuc huatapish paillatac huiñashpa, pucushca granotami micunguichic. Ña quimsa huata tucucpica, tarpushpa cosechaichic. Uvastapish tarpushpa, pucuchishpa micunguichic.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

LEVÍTICO 25:6

Allpaca samana huatacunapish canman, canta servic caricunamanpish, servic huarmicunamanpish, cullquimanta trabajaccunamanpish, caru llacta cancunahuan causac runacunamanpish pucungami.

SAN LUCAS 2:12

Cancuna rishpaca, huagracuna shayana ucupi maitushca huahua ucsha jahuapi siricuctami ricunguichic— nirca.

1 SAMUEL 2:34

Chashnatac cagricushcata can ricuchunmi cambac churicuna Ofni, Fineasca shuc punzhallatac ishcaita huañunga.