2 REYES 19:26 - Dios Rimashcata Quillcashcami

²⁶ Chaipi causaccunaca, mana pudishpami manchaihuan, pingaihuan cancuna. Pambapi huiñashca, verdinlla llullu quihua shinami. Huasi jahuapi huiñashca quihua manarac pucushpa chaquishca shinami.

2 REYES 19:26 ပူးပေါင်းရင်းမြစ်များ

GÉNESIS 41:23

Chai quipaca inti llucshina ladomanta huaira huactashca, ñañuyashca canchis trigo uma llucshicuctami muscurcani.

GÉNESIS 41:6

Chai quipaca ñañuyashca, inti llucshina ladomanta huaira huactashca canchis trigo uma llucshicuctami ricurca.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

ISAÍAS 13:8

Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

JEREMÍAS 37:10

Cancunahuan macanacucuc caldeocunata cancuna tucuita aticpi, maijan soldadocunalla paicunapac carpa huasicunapi chugririshca saquirishpapish cai llactataca ninata churashpa tucuchingami” ninmi ningui» nirca.

JEREMÍAS 51:30

Babilonia sinchi soldadocunaca macanacunata saquishpami, jatun torre ucucunapi miticushca. Fuerza illac saquirishpami, huarmicuna shina tucushca. Paicunapac huasicunaca rupashcami. Llacta pungu aldabacunapish paquirishcami.

JEREMÍAS 51:32

Jatun yacu chimba lado pambacunata japishpami, baluartecunapish tucui rupachishca. Soldadocunaca manchaihuanmi chucchucun.

NÚMEROS 11:23

Shina nicpimi, Mandac Diosca Moisestaca: —Ñuca imatapish ruhuaipaclla cashcata, ¿manachu yachangui? Ñuca rimashca pactana cashcata, mana pactana cashcataca cunanmi ricungui— nirca.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

SAN MATEO 10:27

Cancunaman pacallapi nishcataca, achicpi huillanguichic. Ringrillapi huillashcataca, huasi jahua pataman huichicushpa huillanguichic.

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.