2 REYES 19:11 - Dios Rimashcata Quillcashcami

¹¹ Asiria llactata jatun mandaccuna tucui llactacunata ima shina tucuchishcataca canllatac uyashcanguimi. ¿Shina cacpica, canca quishpirigringuichu?

2 REYES 19:11 ပူးပေါင်းရင်းမြစ်များ

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 18:35

¿Chai llacta dioscunamantaca maijan Diostac paicunapac llactata ñuca maquimanta cacharichishca? Chashna cacpica, ¿ima shinatac Mandac Diosca Jerusalentaca ñuca maquimanta cacharichinga?” ninmi» nirca.

2 REYES 19:10

«Judá llactata jatun mandac Ezequiastaca: “Can shunguta churashca Diosca: ‘Jerusalentaca Asiria llactata jatun mandacpac maquipica mana churashachu’ nishpa, llullachunca ama saquichu.

2 REYES 19:12

Ñuca ñaupa taitacunaca Gozán, Harán, Resef pueblocunapi causaccunatapish, Edén llacta Telasar pueblopi causaccunatapish tucuchircami. ¿Shina ruhuacucpica cambac dioscunaca ayudarcachu?

2 CRÓNICAS 32:17

Chaipac jahuapi Semaqueribca israelcunata Mandac Diosta yallita mana alli nishpami quillcacunata cacharca. Chai quillcacunapica: «Ima shinami shuctac llactapi causac gentecunapac dioscuna paicunapac gentecunata ñuca maquimanta mana cacharichi pudirca, shinallatacmi Ezequiaspac diospish, paipac gentecunata ñuca maquimanta mana cacharichi pudinga» nirca.