2 REYES 18:8 - Dios Rimashcata Quillcashcami

⁸ Shinallatac filisteocunatapish Gaza pueblocaman, chai pueblo linderocamanmi catishpa tucuchirca. Chapana torremanta callarishpa, jatun pircahuan muyundita jarcashca pueblocamanmi catishpa tucuchirca.

2 REYES 18:8 ပူးပေါင်းရင်းမြစ်များ

1 REYES 5:4

Cunanca, ñucata Mandac Diosmi muyundi llactacunapi mana piñanacushpa, alli causachun churashca. Chaimantami yarcaipish, huañuipish mana tiyanga.

2 REYES 17:9

Israelcunaca mana allita pacalla ruhuashpami, paicunata Mandac Diostaca piñachirca. Paicunapac tucui pueblocunapi, chapana torrecunapi, muyundita pircashca pueblocunacamanmi altarcunata ruhuarca.

1 CRÓNICAS 4:41

Cai tucui shuticunata quillcashcacunaca Judá llactata jatun mandac Ezequías mandacuc punzhacunapimi shamushpa, Cam runapac huahua huahuacunapac carpa huasicunatapish, chucllacunatapish tucui tucuchirca. Cunan punzhacamanmi chashna can. Michina pambacuna tiyashcamantami chai runacuna causanapi causarca.

2 CRÓNICAS 26:10

Chashnallatac torrecunataca shitashca pambapipish shayachircami. Achca animalcunata charishcamantami Sefela pambacunapipish, caishuc pambacunapipish achca jutcucunata allashpa yacuta llucchirca. Uziasca chagrata ruhuanata munac cashcamantami urcucunapipish, alli pucuc pambacunapipish uvas chagracunata, shuctac chagracunatapish achcata charirca.

2 CRÓNICAS 28:18

Chashnallatacmi filisteocunaca Judá llactapi cac Sefela pueblocunamanpish, Neguev llacta pueblocunamanpish shamushpa achca tucushpa causarcacuna. Shina causashpami, Bet-semes, Ajalón, Gederot, Soco, Timna, Gimzo pueblocunatapish, chai pueblo muyundi uchilla llactacunatapish quichushpa causacurca.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

ISAÍAS 5:2

Chai allpamanta quihuatapish, rumicunatapish anchuchishpami, allita uvasta acllashpa tarpurca. Chai chagra chaupipica jatun torretapish, uvasta cutanatapish ruhuarcami. Chai allpapi alli uvasta pucuchina yuyaihuan cacpica, sacha uvasmi pucurca.

DEUTERONOMIO 2:23

Shinallatac Gazapi tiyac uchilla llactacunapi causac aveocunataca Caftor llactamanta caftoreocuna shamushpami tucui tucuchishpa, chaipi causai callarircacuna).

JOSUÉ 15:47

Shinallatac Asdod pueblopish, muyundipi tiyac huasicunapish, uchilla llactacunapishmi carca. Gaza pueblopish muyundipi tiyac huasicunapish, uchilla llactacunapishmi carca. Chai pueblocunaca Egipto llacta jatun yacucaman shinallatac mama cucha patacunacamanmi carca.