2 REYES 18:4 - Dios Rimashcata Quillcashcami

⁴ Paimi lomacunapi tiyac altarcunata anchuchishpa, imamanpish riccha dioscunata paquirca. Asera huarmi diosta yuyarina yuracunata pitishpami, Moisés ruhuachishca bronce culebratapish paquirca. Chai punzhacamanmi israelcunaca inciensota rupachishpa carcacuna. Chaimantami Nehustán nishpa shutichirca.

2 REYES 18:4 ပူးပေါင်းရင်းမြစ်များ

1 REYES 22:43

Paica, paipac taita Asa shinallatacmi Mandac Diosmanta mana anchurishpa, imatapish cashcata ruhuashpa, Diospac ñaupapi causarca. Shina cashpapish, lomacunapi tiyac altarcunataca mana anchuchircachu. Shina cacpimi, gentecunaca animalcunata huañuchishpa, inciensota rupachishpa catircacuna.

2 REYES 10:26

Baal diosta yuyarina ucumanta ruhuashcalla dioscunata llucchishpa rupachirca.

2 REYES 11:18

Chai quipaca, chai llactapi causac tucui gentecunami Baal diospac huasiman yaicushpa, tucui urmachirca. Shinallatac chai ucupi tiyac altarcunata, imamanpish riccha tucui dioscunatapish paquishpa, Baal diosta servic Matán curatapish altar cuchupi huañuchirca. Chai quipaca Joiada curaca Mandac Diospac huasita cuidachunmi soldadocunata churarca.

2 REYES 12:3

Shina cashpapish, lomacunapi tiyac altarcunataca mana anchuchircachu. Gentecunaca chai altarcunapimi animalcunata cushpa huañuchishpa, inciensota cushnichishpa catirca.

2 REYES 14:4

Chashna ruhuashpapish lomacunapi cac altarcunataca mana anchuchircachu. Chai altarcunapimi gentecunaca animalcunata cushpa, inciensotapish rupachishpa catirca.

2 REYES 15:35

Chashna ruhuashpapish lomacunapi tiyac altarcunataca mana anchuchircachu. Chai altarcunapimi gentecunaca animalcunata huañuchishpa, inciensotapish rupachishpa catirca. Paimi Mandac Diospac huasi jahua pungutaca allichirca.

2 REYES 15:4

Chashna cashpapish lomacunapi tiyac altarcunataca mana anchuchircachu. Chai altarcunapimi gentecunaca animalcunata huañuchishpa, inciensota rupachishpa catircacuna.

2 REYES 16:15

Jatun mandac Acaz Urías curata mandashpaca: «Cai jatun altarpica tutamanta Diosman animalcunata cushpa tucui rupachinguichic. Chishica Diosman cushca granota, jatun mandac cushca animalta, chai pueblopi causaccuna cushca animalta rupachinguichic. Shinallatac ofrendatapish, tallina vinotapish rupachinguichic. Chai jahuallapitac huañuchishca animalpac yahuartapish, tucuita Diosman cushpa rupachina animalpac yahuartapish chirapanguichic. Cai bronce altartaca Diosman ñuca tapungapacllami charisha» nirca.

2 REYES 18:22

Cutin cancunaca: ‘Ñucanchicta Mandac Diospimi shunguta churanchic’ nishpaca ¿Ima nishpatac lomacunapi tiyac altarcunataca Ezequiasllatac anchuchirca? Chashna anchuchishpaca, ¿manachu Judá gentecunata, Jerusalenpi causaccunataca: ‘Jerusalenpi tiyac altar ñaupapi Diosta alli nina canguichic?’ nirca.

2 REYES 21:3

Paipac taita Ezequías lomacunapi tiyac altarcunata urmachishcataca paimi cutin shayachirca. Baal diosmanpish altarcunata ruhuarcami. Israel llactata jatun mandac Acab ruhuashca shinallatacmi Asera huarmi diostapish charirca. Jahua pachapi tiyac tucui lucerocunatapish alli nishpami adorarca.

2 REYES 23:14

Ruhuashcalla dioscunatapish, Asera diosta yuyarina yuratapish ñutuchishpami shitarca. Chai pushtucunapica gentecunapac tullucunatami jundachirca.

2 REYES 23:4

Chaimantami jatun mandac Josiasca curacunata mandac Hilciastapish, quipa mandac curacunatapish, pungupi cuidaccunatapish Mandac Diospac huasimanta Baal, Asera huarmi dioscunaman, jahua pacha lucerocunaman ruhuashca imallacunata llucchichun mandarca. Chaicunataca Jerusalenmanta llucchishpami, Cedrón pambapi rupachirca. Chai uchupataca Bet-el pueblopimi shitachun cacharca.

2 CRÓNICAS 19:3

Shina cacpipish, Asera huarmi diosta yuyarina yuracunata anchuchishpa cambac tucui shunguhuan Mandac Diosta mashcashcamantami can alli cashcata ricushca— nirca.

2 CRÓNICAS 31:1

Tucui chaicunata ruhuashca quipami chaipi tandanacushca tucui israelcunaca Judá llacta pueblocunaman rishpa, ruhuashcalla dioscunatapish, Asera huarmi diosta yuyarina yuratapish tucui paquishpa tucuchirca. Tucui Judá llacta, Benjamín llacta lomacunapi tiyac altarcunatapish urmachircacunami. Efraín llactatapish, Manasés llactatapish tucui tucuchingacamanmi urmachircacuna. Chai quipami israelcunaca paicunapac pueblocunaman, paicuna causacuc allpacunaman cutircacuna.

2 CRÓNICAS 33:3

Paipac taita Ezequías tigrachishca lomacunapi tiyac altarcunatapish cutin shayachishpami, Baal dioscunaman altarcunata ruhuarca. Asera huarmi diosta yuyarina yuratapish ruhuarcami. Jahuapi tucui ima tiyaccunatapish alli nishpami mañarca.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

ÉXODO 34:13

Ashtahuanpish paicunapac altarcunata urmachishpa shitangui. Adorana rumi dioscunatapish paquingui. Asera huarmi diosta yuyarina yuracunatapish pitingui.

ISAÍAS 36:7

Cancunaca: ‘Ñucanchic Mandac Diospimi shunguta churanchic’ ninguichicchari. ¿Manachu cai lomacunapi tiyac huasicunata, altarcunataca Ezequías anchuchirca? Chaicunata anchuchishpaca, ¿manachu Judá llactapi, Jerusalenpi causaccunataca: “Cai altar ñaupapimi Mandac Diostaca alli nina canguichic” nishpa mandarca?— nirca.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

DEUTERONOMIO 5:5

Chai punzhapica Mandac Dios imata nishcata cancunaman huillacmi ñucaca carcani. Cancunaca manchashpami, urcumanca mana huichai rircanguichic. Chaipimi Mandac Diosca:

DEUTERONOMIO 7:5

Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.

JUECES 6:25

Altarta ruhuashca tutallatacmi Mandac Dios Gedeontaca: —Cambac taitapac huagracunamanta shuc huagratapish, quipa shayacuc canchis huatayuc huagratapish apamui. Quipaca cambac taita Baalman ruhuashca altar ladopi tiyac Asera huarmi diosta yuyarina yuratapish tigrachingui.

JUECES 6:28

Cayandi tutamanta chai pueblopi cusaccuna jatarishpa ricucpica, Baalpac altarpish, chai ladopi cac Asera huarmi diosta yuyarina yurapish urmachishca shinallatac quipa huagratapish, cunanlla ruhuashca altarpi tucui rupachishcatami ricurca.