2 REYES 18:28 - Dios Rimashcata Quillcashcami

²⁸ Shina nicpimi, chai mandac shayarishpa, hebreo rimaipi sinchita caparishpaca: «¡Asiria llactata jatun mandac rimashcata uyaichic!

2 REYES 18:28 ပူးပေါင်းရင်းမြစ်များ

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 18:19

Paicunatami mandac Rabsacesca: —Ezequiastaca: Asiria llactata jatun mandacca: “¿Ima nishpatac macanacushpa atishallami nicungui?

2 REYES 18:27

Shina nicpipish, mandac Rabsacesca: —Ñucata mandacca ¿canman, canta mandacllamanchu cai shimicunataca huillachun cacharca? ¿Manachu cai pirca jahuapi shayacuc gentecunamanpish huillachun cacharca? Paicunapish ¿Manachu cancuna shinallatac paicuna mapayachishcata micungapac paicuna miyashcata ubiangapac shuyacuncuna?— nirca.

2 REYES 18:29

Pai jatun mandacca: “Ezequías nishcataca ama crichicchu. Paica ñuca maquimanta mana cacharichi pudingachu.

2 CRÓNICAS 32:18

Senaquerib cachashca mandaccunaca yallita manchachingapacmi Jerusalén muyundita pircashca jahuapi tiyacuccunataca Hebreo rimaipi sinchita caparishpa rimarcacuna. Shina caparishpaca, chai pueblota japina yuyaihuanmi chashna rimarca.

ESDRAS 7:12

«Jatun mandaccunata mandac Artajerjesmi: Jahua pachapi causac Dios mandashcata alli yachac quillcac Esdras curataca sumac causaita charingui nini.

SALMOS 47:2

Jahua pachapi causac Mandac Diosca manchana jatun Diosmi. Tucui cai pachata jatun Mandacmi.

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

APOCALIPSIS 19:6

Chai quipaca achca gentecuna yacu huaj nicuc shina, relampa tulun nic shina rimacuctami uyarcani. Paicunaca: «¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!