2 REYES 18:26 - Dios Rimashcata Quillcashcami

²⁶ Shina nicpimi, Hilciaspac churi Eliaquimpish, Sebnapish, Joapish chai mandactaca: —Canta servic ñucanchictaca arameo rimaipi rimai. Chai rimaitaca yachanchicmi. Ama hebreo rimaipi rimaichu, pirca jahuapi cac gentecuna uyacuncunami— nirca.

2 REYES 18:26 ပူးပေါင်းရင်းမြစ်များ

2 REYES 18:18

Chai quipami jatun mandac Ezequiastaca cayarcacuna. Shina cayacpimi Hilciaspac churi mayordomo Eliaquimpish, quillcac Sebnapish, jatun mandacpac huillac Asafpac churi Joapish paita tupangapac llucshirca.

2 REYES 18:25

¿Cunanca, Mandac Dios manapish cachacpichu cai llactata tucuchingapac shamushcani? Mandac Diosmi ñucataca: ‘Chai llactaman rishpa tucuchigri’ nirca” nichunmi— cacharca.

2 REYES 18:27

Shina nicpipish, mandac Rabsacesca: —Ñucata mandacca ¿canman, canta mandacllamanchu cai shimicunataca huillachun cacharca? ¿Manachu cai pirca jahuapi shayacuc gentecunamanpish huillachun cacharca? Paicunapish ¿Manachu cancuna shinallatac paicuna mapayachishcata micungapac paicuna miyashcata ubiangapac shuyacuncuna?— nirca.

2 REYES 18:37

Chai quipami Hilciaspac churi mayordomo Eliaquimpish, quillcac Sebnapish, Asafpac churi Joapish paicunapac churanata lliquishpa Ezequiaspacman shamurca. Paipacman shamushpami, chai mandac ima nishcata huillarca. Joaca jatun mandacpac randi parlacmi carca.

ESDRAS 4:7

Artajerjes mandacui punzhacunapipish, Bislampish, Mitridatespish, Tabeelpish, paicunapac shuctac ricsishcacunapish shuc quillcata Persia llactata jatun mandac Artajerjesman cacharcacunami. Chai quillcashcaca arameo rimaipimi carca.

ISAÍAS 22:15

Tucuita Mandac Diosca: «Jatun mandacpac huasita ricuc Sebna mayordomopacman rishpa:

DANIEL 2:4

Shina nicpimi, paicuna arameo rimaipi rimashpaca: —¡Jatun mandaclla huiñaita causangui! Canta serviccunaman can muscushcata huillailla, ñucanchicca imata nisha nicushcata huillashunllami— nirca.