2 REYES 18:21 - Dios Rimashcata Quillcashcami

²¹ Canca astillaricuc taunapi taunallic shinami, Egipto llactapi shunguta churashpa causacungui. Maijanpish chaipi taunaricpica, astilla maquipi satiringami. Chashnami Egipto llactata jatun mandac Faraonca tucui paipi shunguta churaccunata ruhuanga.

2 REYES 18:21 ပူးပေါင်းရင်းမြစ်များ

2 REYES 17:4

Ashtahuanpish Asiria llactata jatun mandacca Oseas pacalla parlanacuctami yacharca. Oseasca Egipto llactata jatun mandac Somanmi huillaccunata cacharca. Shinallatac Asiria llactata jatun mandacman huatanta impuestota cunatapish mana ashtahuan curcachu. Chaimantami jatun mandacca paita prezushpa carcelpi churarca.

ISAÍAS 1:1

Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

ISAÍAS 20:5

Shina apacpimi, Etiopía llactapi shunguta churaccunapish, Egipto llacta sumacmi niccunapish pingaihuan musparinga.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 30:7

Egiptopi causaccuna ayudashcaca imapac mana valingachu. Chaimantami paicunataca: “Mana cuyuric Rahab” nishpa shutichircani.

ISAÍAS 36:6

Canca carrizo caspita taunac shinami, Egiptopi causaccunapi shunguta churangui. Maijanpish chaipi shunguta churashpa, taunarictaca astilla maquipi yaicushpa chugrichic shinami, Egipto llactata jatun mandac Faraonca ruhuanga” nirca.

JEREMÍAS 46:17

Chaipi caparishpaca: “¡Egipto llactata jatun mandac Faraonca shimillami! Macana horasca imata mana ruhuanchu” nishpami caparirca.

JEREMÍAS 46:2

Josiaspac churi jatun mandac Joacim Judá llactata chuscu huatata mandacucpimi, Babilonia llactata jatun mandac Nabucodonosorca Egipto llactata jatun mandac Faraón nishca Necaopac soldadocunata Eufrates yacu ladopi tiyac Carquemis llactapi macanacushpa misharca. Chai soldadocunamanta Mandac Dios rimashpaca:

OSEAS 1:1

Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.