2 REYES 18:18 - Dios Rimashcata Quillcashcami

¹⁸ Chai quipami jatun mandac Ezequiastaca cayarcacuna. Shina cayacpimi Hilciaspac churi mayordomo Eliaquimpish, quillcac Sebnapish, jatun mandacpac huillac Asafpac churi Joapish paita tupangapac llucshirca.

2 REYES 18:18 ပူးပေါင်းရင်းမြစ်များ

2 SAMUEL 20:24

Adoramca impuestota cuccunata mandacmi carca. Ahiludpac churi Josafatca ima tucushcata allichishpa quillcacmi carca.

1 REYES 4:3

Sisapac churicuna Ahías shinallatac Elihorefca quillcaccunami carca. Ahiludpac churi Josafatca jatun mandacpac randi rimacmi carca.

2 REYES 18:26

Shina nicpimi, Hilciaspac churi Eliaquimpish, Sebnapish, Joapish chai mandactaca: —Canta servic ñucanchictaca arameo rimaipi rimai. Chai rimaitaca yachanchicmi. Ama hebreo rimaipi rimaichu, pirca jahuapi cac gentecuna uyacuncunami— nirca.

2 REYES 18:37

Chai quipami Hilciaspac churi mayordomo Eliaquimpish, quillcac Sebnapish, Asafpac churi Joapish paicunapac churanata lliquishpa Ezequiaspacman shamurca. Paipacman shamushpami, chai mandac ima nishcata huillarca. Joaca jatun mandacpac randi parlacmi carca.

2 REYES 19:2

Chai quipami mayordomo Eliaquimtapish, quillcac Sebnatapish, curacunata mandac runacunatapish sharpa churanata churachishpa Dios ima nishcata huillac Amozpac churi Isaiaspacman cacharca.

2 CRÓNICAS 34:8

Josiasca chunga pusac huatata mandacushpa, chai llactatapish, Diospac huasitapish chuyanllata ruhuashca quipami, paita Mandac Diospac huasita allichichun, Azaliapac churi Safanta, mandac Maasiasta, Joacazpac churi quillcac Joata mandarca.

ISAÍAS 33:7

Jatun mandacpac huillaccunaca canzhapimi caparin. Cushi causaimanta huillaccunaca yallitami huacan.

ISAÍAS 36:22

Chai quipami mayordomo Eliaquimpish, quillcac Sebnapish, jatun mandac huillac Joapish paicunapac churanata lliquishpa, Ezequiaspacman shamurca. Shina shamushpami, Rabsaces ima nishcata huillarca. Eliaquimca Hilquiaspac churimi carca. Joaca Asafpac churimi carca.

ISAÍAS 36:3

Chaipi cacpimi, jatun mandacpac mayordomo Eliaquimca quillcac Sebnahuan, jatun mandacpac huillac Joahuan tupangapac llucshirca. Eliaquimca Hilquiaspac churimi carca. Joaca Asafpac churimi carca.

ISAÍAS 37:2

Chai quipami mayordomo Eliaquimtapish, quillcac Sebnatapish, curacunata pushac yuyaccunatapish sharpa churanata churachishpa Dios ima nishcata huillac Isaiaspacman cacharca. Isaiasca Amozpac churimi carca.