2 REYES 18:17 - Dios Rimashcata Quillcashcami

¹⁷ Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 18:17 ပူးပေါင်းရင်းမြစ်များ

2 REYES 14:19

Paita huañuchingapacmi Jerusalenpi pacalla parlanacurca. Chaimantami paica Laquis puebloman miticushpa rirca. Chai puebloman ricpipish, catishpa rishpami, chai pueblopi huañuchirca.

2 REYES 18:16

Chai punzhacunallatami Ezequiasca paillatac ruhuashca Mandac Diospac huasipi cac curihuan cahuishca pungutapish, chai pungu curi marcocunatapish llucchishpa, Asiria llactata jatun mandacman curca.

2 REYES 19:23

Cambac huillaccunata cachashpami, Mandac Diosta mana alli nishpa rimashcangui. Canca: ‘Ñucapac achca carretacunahuanmi urcu puntacunaman, Líbano urcu lomacunaman rircani. Jatun cedro yuracunata, ashtahuan alaja ciprés yuracunatami pitisha. Ashtahuan carupimi tiyacusha. Ashtahuan sumac pangasapa yuracuna ucupimi tiyacusha.

2 REYES 19:6

Paica: «Cancunata mandactaca: “Mandac Diosca: ‘Asiria llactata mandacta serviccuna mana alli nishpa rimashcata uyashpaca ama manchaichu.

2 REYES 20:20

Ezequiaspac shuctac ruhuashcacunapish, sinchita mandashcapish, yacu tanqueta ima shina ruhuashcapish, pueblo ucuman yacuta apashcapish, Judá llactata jatun mandaccuna imata ruhuashcacunata quillcashcapimi tiyacun.

2 CRÓNICAS 12:4

Judá llactapi tiyac muyundita pircashca pueblocunata quichushpami, Jerusalencaman chayarca.

2 CRÓNICAS 32:9

Asiria llactata jatun mandac Senaqueribca Laquis pueblopi paipac tucui soldadocunahuan cashpami, paita serviccunata Jerusalenpi causac Judá llactata jatun mandac Ezequiaspacmanpish, Judá llactamanta Jerusalenpi causaccunapacmanpish cachashpaca:

ISAÍAS 20:1

Asiria llactata jatun mandac Sargonca paipac soldadocunata mandac Tartantami Asdod llactaman cacharca. Chashna cachacpimi, chai llactapi causaccunahuan macanacushpa, chai llactata japirca.

ISAÍAS 36:2

Asiria llactata jatun mandacmi Laquis llactamanta paipac quipa mandacta achca soldadocunahuan Jerusalenta jatun mandac Ezequias-huan macanacuchun cacharca. Chashna cachacpimi, jahua ladoman tiyac tanqueman shamuc yacu ladopi carpacunata shayachishpa tiyarirca. Chaica tacshaccunapac allpaman rina ñanpimi carca.

ISAÍAS 7:3

Chaimantami Mandac Diosca Isaiastaca: «Cunanca canpish, cambac churi Sear-jasubpish jahua tanqueman shamuc yacu patapi Acaz-huan tupagrichic. Chai tanqueca tacshaccunapac allpaman rina ñan ladopimi can.