2 REYES 18:15 - Dios Rimashcata Quillcashcami

¹⁵ Chashna mañacpimi, Ezequiasca Mandac Diospac huasipi tucui tiyashca cullquitapish, mandana huasipi tucui huacaichishca curitapish curca.

2 REYES 18:15 ပူးပေါင်းရင်းမြစ်များ

1 REYES 15:15

Shinallatac paipac taitapish, paipish curita cullquita Diospaclla cachun cushcataca Mandac Diospac huasimanmi aparca.

2 REYES 12:18

Chaimantami Judá llactata jatun mandac Joasca Judá llactata ñaupa taita Josafat, Joram, Ocozías Mandac Diosman cushca ofrendata shinallatac pai cushca tucui curitapish, jatun mandacpac huasipi tiyashca curitapish japishpa, Siria llactata jatun mandac Hazaelman cuchun cacharca. Chaimantami Hazaelca Jerusalenmantaca rircalla.

2 REYES 12:19

Joaspac shuctac ruhuashcacunapish, imacunallata ruhuashcacunapish Judá llactata jatun mandaccuna imata ruhuashcata quillcashcapimi tiyacun.

2 REYES 16:8

Mandac Diospac huasimantapish, jatun mandacpac huasimantapish allichishca cullqui, curita japishpami, Acazca Asiria llactata jatun mandacman cuchun cacharca.

2 REYES 18:16

Chai punzhacunallatami Ezequiasca paillatac ruhuashca Mandac Diospac huasipi cac curihuan cahuishca pungutapish, chai pungu curi marcocunatapish llucchishpa, Asiria llactata jatun mandacman curca.

2 CRÓNICAS 16:2

Chaimantami Judá llactata jatun mandac Asaca Mandac Diospac huasimanta, mandashpa tiyana huasipi imapish yalli valishcacunata huacaichinamanta cullquita, curita llucchishpa Siria llactata jatun mandac Damascopi causac Ben-adadman cuchun cacharca.

ISAÍAS 39:2

Chashna cachacpimi, Ezequiasca cushilla paicunata chasquirca. Chaimantami paipac yalli valishcacunata huacaichina huasita ricuchirca. Chaipica cullquipish, curipish, mishquilla ashnacuc jambicunapish, yallita valishca aceitepishmi carca. Shinallatac macanacunata huacaichishca huasitapish, ima shuc sumaccunata huacaichina ucutapishmi ricuchirca. Ezequiasca imata mana pacashpami paipac huasipi, pai mandacuc llactacunapi tucui ima tiyashcacunata ricuchirca.