2 REYES 18:14 - Dios Rimashcata Quillcashcami

¹⁴ Judá llactata jatun mandac Ezequiasca, Asiria llactata jatun mandac Laquis pueblopi cacta yachashpami shuc huillashcata cachashpaca: «Ñucaca mana allitami ruhuashcani. Cai llactamanta llucshi ñucaca can mañashcatami cusha» nichun cacharca. Shina nicpimi, Asiria llactata jatun mandacca quimsa patsac talento cullquita, quimsa chunga talento curita cuchun mañarca.

2 REYES 18:14 ပူးပေါင်းရင်းမြစ်များ

1 REYES 20:4

Shina nicpimi, Israel llactata jatun mandacca «Can jatun mandac ñuca amo nishca shinallatac ñucapish, ñuca ima charishcacunapish cambacmi canchic» nirca.

2 REYES 10:5

Chaimantami mayordomopish, chai pueblota mandacpish, pushac yuyaccunapish, Acabpac churicunata yachachiccunapish Jehupacman cachashpaca: «Ñucanchicca canta serviccunami canchic. Chaimanta can imata mandashcatami ruhuashun. Pitapish jatun mandac cachunca mana churashunchu. Cambac ima alli cana cacpica ruhuailla» nichunmi cacharca.

2 REYES 14:19

Paita huañuchingapacmi Jerusalenpi pacalla parlanacurca. Chaimantami paica Laquis puebloman miticushpa rirca. Chai puebloman ricpipish, catishpa rishpami, chai pueblopi huañuchirca.

2 REYES 15:20

Pulman cungapacca Manahemca Israel llacta yallita charic gentecunatami cada shuc pichca chunga talento cullquita cuchun mandarca. Chai cullquita cucpimi, Siria llactata jatun mandacca Israel llactamanta utca rirca.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

2 REYES 19:8

Mandac Rabsaces cutimushpaca, Asiria llactata jatun mandac Laquis pueblomanta rishcatami yachac chayarca. Chaimanta rishpaca Libna pueblopi causaccunahuan jatun mandac macanacucuctami ricurca.

PROVERBIOS 29:25

Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

JEREMÍAS 34:7

Babilonia llactata jatun mandacpac soldadocunaca Jerusalenpi causaccunahuan, Judá llactapi saquirishca Laquis, Azeca llactapi causaccunahuanmi macanacucurca. Judá llactapi muyundita pircashca llactacunaca chai ishcaillami saquirishca carca.

SAN LUCAS 14:32

Mana macanacuipac cashpaca, caishuc mandac manarac chayamucpimi alli tucungapac huillaccunata cachanman.