2 REYES 18:12 - Dios Rimashcata Quillcashcami

¹² Paicunata Mandac Diosta mana cazushcamanta, Dios-huan ari nishcata yangapi churashcamanta, Mandac Diosta servic Moisés mandashcacunatapish mana ruhuashcamanta, mana uyashcamantami chashnaca tucurcacuna.

2 REYES 18:12 ပူးပေါင်းရင်းမြစ်များ

1 REYES 9:6

Ashtahuanpish cancunapish, cancunapac huahuacunapish sinchi shungu tucushpa, ñuca mandashcacunata, ñuca quillcachishca shimicunata mana cazushpa, shuctac dioscunata servishpa, alli nishpa causacpica,

2 REYES 21:8

Imata ñuca mandashca shinallatac, ñucata servic Moisés cancunata mandashca shinallatac tucuita cazushpa pactachicpica, cancunapac ñaupa taitacunaman cushca llactamantaca manatac llucchishpa cachashachu» nishcami carca.

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

SALMOS 107:17

Yuyai illaccunaca paicunallatac mana cazushpa mana allita ruhuashcamantami llaquita aparcacuna.

SALMOS 78:10

Dios-huan ari nishcata mana pactachircacunachu. Pai mandashcacunatapish mana cazurcacunachu.

SALMOS 81:12

Chaimantami paicunapac shungu munashcata ruhuachun saquircani. Paicunapac yuyarishca shinata ruhuashpami causarcacuna.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

EZEQUIEL 11:12

Chashna ruhuacpimi, ñucataca Mandac Dios cashcata yachanguichic. Cancunaca ñuca mandashcacunata mana cazushpami purircanguichic. Pactachichun mandashcacunatapish mana cazushpami causarcanguichic. Ashtahuanpish cancunapac muyundi llactacunapi causaccuna shinami causarcanguichic nini” ninmi ningui» nirca.

DANIEL 9:5

Ñucanchicca juchallishcanchicmi, millaita ruhuashcanchicmi, canta mana cazushpa cariyashcanchicmi. Mandashcacunatapish, mandashpa quillcashcacunatapish saquishcanchicmi.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

MIQUEAS 3:4

Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

NÚMEROS 12:7

Shina cacpipish, ñucata servic Moises-huanca mana chashnachu parlani. Paica ñuca huasipi allita servicmi.

DEUTERONOMIO 11:28

Ashtahuanpish ñuca mandashcata mana uyashpa, Mandac Diosta mana cazushpa, mana ricsishca shuctac dioscunata catishpaca, maldiciashcami canguichic.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.

DEUTERONOMIO 34:5

Mandac Diosta servic Moisesca pai nishca shinami Moab llactapi huañurca.

DEUTERONOMIO 8:20

Mandac Diosca cancunapac ñaupapimi shuctac llactacunataca tucuchinga. Mandac Dios rimashcata cancuna mana cazucpica, chashnallatacmi cancunatapish tucuchinga.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

2 TIMOTEO 2:24

Maijanpish Apunchic Jesusta servicca mana pihuanpish piñanacushpachu purina, ashtahuanpish tucuihuan apanacuc, mana piñaric, alli yachachicmi canami can.

JOSUÉ 1:1

Moisés huañucpi, Mandac Dios Moisesta ayudac Nunpac churi Josueta cayashpaca:

1 PEDRO 2:8

Shinallatac: «Cai rumipimi mitcarishpa urmangacuna» ninmi. Paicunaca Dios rimashcata mana cazushcamantami mitcarincuna. Paicunaca chashna tucuchun nishcami cancuna.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?