2 REYES 17:8 - Dios Rimashcata Quillcashcami

⁸ Israelcunapac ñaupamanta llucchishpa cachashca gentecuna ruhuashca shinallatac, utcapi Israel llactata mandaccuna ruhuashca shinallatacmi ruhuashpa catircacuna.

2 REYES 17:8 ပူးပေါင်းရင်းမြစ်များ

1 REYES 12:28

Chashna yuyarishcata shuccunaman parlacpi, paicuna alli nicpimi, jatun mandac Jeroboamca curimanta ishcai becicunata ruhuashpa israelcunataca: «¡Cancuna, Jerusalenman huichai rinaca mana allichu! ¡Cancunapac dioscunaca caipimi! ¡Paicunami cancunataca Egiptomanta llucchimurca!» nirca.

1 REYES 21:26

Paica amorreocuna shinami ruhuashcalla dioscunata catishpa, millanayaita ruhuashpa causarca. Amorreocunataca chashna millaita ruhuaccuna cacpimi, Mandac Diosca israelcunapac chaupimanta llucchishpa cacharca.

2 REYES 16:10

Chai quipami jatun mandac Acazca Asiria llactata jatun mandac Tiglat-pileserta Damasco pueblopi tupangapac rirca. Chaiman chayashpami, jatun mandac Acazca Damascopi tiyac altarta ricushpa, chai altar mashna medishcata ima shina cacta dibujashpa, Urías curaman cuchun cacharca.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

2 REYES 17:19

Judá aillucunapish paicunata Mandac Dios mandashcacunata mana cazushpami, israelcuna pactachichun mandashcacunallatatac pactachircacuna.

2 REYES 17:40

Shina nicpipish, paicunaca mana uyashpami utcapi imata ruhuashpa causashca shinallatac causarcacuna.

2 REYES 21:2

Mandac Diospac ñaupapica mana allitami ruhuashpa causarca. Israelcunapac ñaupamanta Mandac Dios llucchishpa cachashca gentecuna ruhuashca shinallatacmi millanayai juchacunata ruhuashpa causarca.

SALMOS 106:35

Chaipac randica chai gentecunahuan tandarishpami mana allita ruhuanata yachacurcacuna.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

JEREMÍAS 10:2

Paica: «Shuctac llacta gentecuna ruhuashcataca ama yachacuichicchu. Jahua pachapi ima señalcuna ricuricpi, shuctac llactapi causaccuna mancharicucpipish, cancunaca ama mancharinguichicchu.

EZEQUIEL 5:6

Ashtahuanpish, muyundi llactacunapi causaccunamanta, muyundipi causaccunamanta yallimi ñuca ruhuachun nishcacunataca mana cazushpa, mana manchashpa causarca» nirca.

OSEAS 5:11

Efraín ailluca shungupi nanarishpa yallita llaquirishcami. Paicunaca yanga dioscunallatami catina yuyarca.

LEVÍTICO 18:3

Cancuna causashca Egiptopi causaccuna shina, shinallatac cancuna causagricushca Canaán llactapi causaccuna shina, ama ruhuanguichicchu. Ama paicunapac mandashcacunata catinguichicchu.

LEVÍTICO 26:1

Ama shuctac dioscunatapish, imaman ricchacunatapish ruhuanguichicchu. Cancunapac llactapica ama rumimanta ruhuashca dioscunatapish, pintashca rumicunatapish ruhuanguichicchu. Ama chaicunapac ñaupapi cumuringuichicchu. Ñucami cancunata Mandac Dios cani.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

DEUTERONOMIO 18:9

Cancuna Mandac Dios cushca llactaman yaicushpaca, ama chai llactapi causaccuna shina, millaita ruhuashpa causanguichicchu.