2 REYES 17:6 - Dios Rimashcata Quillcashcami

⁶ Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

2 REYES 17:6 ပူးပေါင်းရင်းမြစ်များ

GÉNESIS 10:2

Jafetpac churicunaca: Gomer, Magog, Madai, Javán, Tubal, Mesec Tirasmi carca.

1 REYES 8:46

Juchata mana ruhuac runaca shucllapish mana tiyanchu. Canta mana cazushpa juchallicpica, paicunahuanca yallita piñaringuichari. Chashna piñarishpaca, caru llactaman cashpa, cuchulla llactaman cashpa prezu apachun, paicunata piñaccunapac maquipi churanguichari.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

2 REYES 18:34

¿Maipitac Hamat, Arfad pueblomanta diosca? ¿Maipitac Sefarvaim, Hena, Iva pueblomanta dioscunaca? ¿Chai dioscunaca ñuca maquimanta Samaria pueblota cacharichircachu?

2 REYES 19:12

Ñuca ñaupa taitacunaca Gozán, Harán, Resef pueblocunapi causaccunatapish, Edén llacta Telasar pueblopi causaccunatapish tucuchircami. ¿Shina ruhuacucpica cambac dioscunaca ayudarcachu?

2 REYES 21:13

Jerusalenpi causaccunataca Samaria pueblopi causaccunata llaquichishca shinallatacmi chai cordel-llahuantac llaquichisha. Acabpac huasi ucupurata llaquichishca plomadallahuantacmi llaquichisha. Jerusalentaca platota jahuashpa puctic shinami saquisha.

1 CRÓNICAS 5:22

Chai macanacuipica Mandac Dios ayudacpimi, achcata huañuchirca. Shuctac llactaman prezu apangacaman chaillapitac causarcacuna.

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

ESDRAS 6:2

Chashna mashcashpami, Media llacta Acmeta pueblopi mandashpa tiyana huasipi tarirca. Chai quillcashcapica:

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

ISAÍAS 10:9

Ñucamanca Calno llactaca Carquemis llacta shinallatacmi. Hamat llactapish, Arfad llacta shinallatacmi. Samaria llactapish Damasco llacta shinallami.

ISAÍAS 13:17

Paicunata llaquichichunca Media llacta soldadocunamanmi yuyaita cugrini. Paicunaca mana cullquillata, curillata munanchu.

ISAÍAS 17:4

«Chai punzhapica Jacobopac huahuacunaca ña mana cushicushpa, jatun tucungachu. Paicunaca huira cashpapish tulluyangami.

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

ISAÍAS 36:17

Cancunapac llacta shinallatac alli granopish, vinopish, tandapish, uvas chagrapish tiyac llactaman ñuca pushac shamungacaman chashna causaichic.

ISAÍAS 36:19

¿Maipitac Hamat, Arfad, Sefarvaim llactacunapi causaccunapac dioscunaca? ¿Chai dioscunaca Samaria llactataca ñuca maquimanta cacharichi pudircachu?

ISAÍAS 37:18

Mandac Dioslla, Asiria llactata jatun mandacca shuctac llactacunatapish, allpacunatapish tucuchircami.

ISAÍAS 8:4

Chai huahuaca: “Ñuca taitito, ñuca mamita” ninata manarac yachacushpami, Damascopi, Samaria llactapi causaccuna ima charishcacunata quichushpa, Asiria llactata jatun mandacman cunga» nirca.

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

DANIEL 5:28

PARSIN nishpaca, can mandana llactata chaupishpa shuc partetaca Media llacta runacunaman, shuc partetaca Persia llactapi causaccunaman cuna cashcatami nisha nin— nirca.

OSEAS 1:4

Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

OSEAS 1:9

Chaimantami Mandac Diosca Oseastaca: «Chai huahuataca Lo-ammita shutichi. Chaica, cancunaca mana ñuca acllashcacunachu canguichic. Ñucapish mana cancunapac Mandac Dioschu cani» nirca.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

OSEAS 8:8

¡Israel llactaca tucuchishcami canga! Ñallami shuctac llactacunapac chaupipica paya manga shina tucunga.

OSEAS 9:3

Efraín ailluca Mandac Dios cushca llactapica mana saquiringachu. Ashtahuanpish Egiptoman, Asiria llactamanmi cutinga. Chaipimi millana micunata micunga.

LEVÍTICO 26:38

Cancunapura macanacushpami tucuringuichic. Cancunata piñac llactacunami cancunataca tucuchinga.

AMÓS 5:27

Chaimantami cancunataca Damascomanta ashtahuan chimbaman apachun saquisha. Chaitaca Mandac Dios ñucami nini» ninmi. Paipac shutica tucuita Mandac Diosmi.

AMÓS 7:17

Chaimantami Mandac Diosca: “Cambac huarmica caipimi cullquimanta huainayanga. Cambac churicunatapish, ushicunatapish espadahuanmi huañuchinga. Cambac allpatapish chaupingami. Canca juchahuan mapayashca llactapimi huañungui. Israelcunataca paicunapac llactamantami caru llactaman prezu apanga” ninmi— nirca.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.

DEUTERONOMIO 30:18

huañunguichictacmi. Jordán yacuta pasashpa cancuna japishca llactapica mana unaita causanguichicchu.