2 REYES 17:34 - Dios Rimashcata Quillcashcami

³⁴ Paicunaca cunan punzhacamanmi utcapi ruhuashca shinallatac ruhuashpa causancuna. Mandac Diostapish mana manchancunachu. Pactachichun pai cushcatapish, mandashcacunatapish mana cazuncunachu. Jacobopac huahua huahuacunaman Mandac Dios mandashpa cushcatapish, pactachichun cushca mandashcacunatapish mana pactachincunachu. Jacobotaca Israeltami shutichirca.

2 REYES 17:34 ပူးပေါင်းရင်းမြစ်များ

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 32:29

Shina nicpimi, Jacoboca paitaca: —¿Ima shutitac cangui? Huillaiyari— nirca. Shina nicpimi, chai runaca: —¿Imapactac ñuca shutita tapungui?— nirca. Chai quipami chai runaca Jacobota chaillapitac bendiciarca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 35:10

Chaipimi Diosca: «Canca Jacobo shutimi cangui. Quipamanca mana Jacobo shutichu cangui, ashtahuanpish Israel shutimi cangui» nirca.

1 REYES 11:31

Chashna lliquishpami, Jeroboamtaca: «Cai chungataca can japi. Israelcunata Mandac Diosca: “Riqui, Salomón mandacushcataca paipac maquimanta quichushpami, chunga aillucunata mandachun canman cugrini.

1 REYES 18:11

¿Chashna cacpichu cunanca: “Cambac amopacman rishpa: ‘Eliasca caipimi’ nigri” ningui?

1 REYES 18:31

Eliasca Jacobopac chunga ishcai churicunata ricuchic cachunmi chunga ishcai rumicunata japishpa altarta allichirca. Mandac Diosmi Jacobotaca: «Cambac shutica Israelmi canga» nishca carca.

2 REYES 17:25

Chaipi causai callarishpaca, Mandac Diosta mana mancharcacunachu. Chaimantami Mandac Diosca paicunata huañuchichun leoncunata cacharca.

2 REYES 17:33

Chai gentecunaca Mandac Diosta manchashpapish, paicunapac dioscunatami alli nishpa causarcacuna. Paicunapac llactapi ima shina ruhuashpa causashca shinallatacmi causarcacuna.

2 REYES 17:40

Shina nicpipish, paicunaca mana uyashpami utcapi imata ruhuashpa causashca shinallatac causarcacuna.

SALMOS 55:20

Millai runaca paihuan apanacucllatatac llaquichishpami, sumacta causangapac ari nishcatapish paquin.

PROVERBIOS 14:2

Allita ruhuashpa causac runaca Mandac Diostami manchan. Ashtahuanpish mana allita ruhuac runaca mana ricunayachinchu.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.