2 REYES 17:3 - Dios Rimashcata Quillcashcami

³ Asiria llactata jatun mandac Salmanasarca macanacushpa atishpami, Oseastaca servichishpa, impuestota pagachishpa causarca.

2 REYES 17:3 ပူးပေါင်းရင်းမြစ်များ

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

2 SAMUEL 8:6

Shinami Davidca Damasco pueblopi causac siriocunapac chaupipi cuidachun soldadocunata churarca. Chashna ruhuacpimi, siriocunaca Davidta servishpa paiman impuestota cushpa causarca. Mandac Diosca David maiman macanacungapac ricpipish mishachircami.

2 REYES 15:19

Chai punzhacunami Asiria llactata jatun mandac Pulca Israel llactahuan macanacungapac shamurca. Chaimantami Manahemca pai mandanata sinchiyachingapac jatun mandac Pulman shuc huaranga talento cullquita curca.

2 REYES 15:20

Pulman cungapacca Manahemca Israel llacta yallita charic gentecunatami cada shuc pichca chunga talento cullquita cuchun mandarca. Chai cullquita cucpimi, Siria llactata jatun mandacca Israel llactamanta utca rirca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 17:2

Paica, pai manarac mandacpi Israel llactata jatun mandaccuna juchata ruhuashca shina mana ruhuashpapish, Mandac Diospac ñaupapica juchata ruhuashpami causarca.

2 REYES 17:4

Ashtahuanpish Asiria llactata jatun mandacca Oseas pacalla parlanacuctami yacharca. Oseasca Egipto llactata jatun mandac Somanmi huillaccunata cacharca. Shinallatac Asiria llactata jatun mandacman huatanta impuestota cunatapish mana ashtahuan curcachu. Chaimantami jatun mandacca paita prezushpa carcelpi churarca.

2 REYES 18:31

¡Ezequiastaca mana uyanachu canguichic! Asiria llactata jatun mandacca: “Cushi causai tiyachun ñucahuan parlangapac shamuichic. Shina ruhuashpaca, tucui cancunami quiquin uvas, higo chagramanta micunguichic. Yacutapish quiquin jundumanta ubianguichic.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

ISAÍAS 17:4

«Chai punzhapica Jacobopac huahuacunaca ña mana cushicushpa, jatun tucungachu. Paicunaca huira cashpapish tulluyangami.

ISAÍAS 8:8

Yallita mirashpami Judá llactata pasashpa chaipi causaccunataca cungacaman ucuyachinga. ¡Emanuel-lla, alasta pascac shina, shamushpami tucui cambac llactapi jundanga!

EZEQUIEL 23:5

Oholaca ñucapac cashpapish ñucata shitashpami asiriocunata yallita cuyai callarirca.

OSEAS 10:14

Chaimantami cancunapac llactacunapica yallita caparinacui tiyanga. Tucui jatun torrecunami urmanga. Bet-arbel llactapi causaccunahuan macanacui punzhapi, jatun mandac Salmán mamacunatapish, paipac huahuacunatapish ñutuchishpa tucuchishca shinami tucuchinga.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

OSEAS 8:10

Chashna alquilashca cacpipish, ñucami tandachisha. Asha huatacunallatami jatun mandacca llashac cargata apachic shina llaquichinga.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.