2 REYES 17:25 - Dios Rimashcata Quillcashcami

²⁵ Chaipi causai callarishpaca, Mandac Diosta mana mancharcacunachu. Chaimantami Mandac Diosca paicunata huañuchichun leoncunata cacharca.

2 REYES 17:25 ပူးပေါင်းရင်းမြစ်များ

1 REYES 13:24

Shina parejacpica, burropi montashpa ñanta ricucpimi, shuc león ñanpi tupashpa huañuchirca. Ña huañucpica, chaupi ñanpimi paipac cuerpoca siricurca, burropish, leonpish chai huañushca ladopimi shayacurca.

1 REYES 20:36

Chaimantami chai runaca: —Mandac Dios mandashcata mana cazushcamantami ñuca ladomanta can ricpica, shuc león tupashpa cantaca huañuchinga— nirca. Pai chai ladomanta ricpica, shuc leonmi ñanpi tupashpa huañuchirca.

2 REYES 17:26

Shina cachacpimi, Asiria llacta jatun mandacpacman huillaccunata cachashpaca: «Samaria llactapi causachun can apamushca gentecunaca chai llactapac Dios mandashcacunata, shinallatac ima shina alli ninataca mana yachancunachu. Chaimantami paicunata llaquichichun leoncunata cachashca. Chai leoncunami paicunataca huañuchicun» nirca.

2 REYES 17:28

Chaimantami Samaria llactamanta prezu apashca shuc cura shamushpa, Bet-el pueblopi causarca. Paimi Mandac Diosta ima shina manchashpa causanata yachachirca.

2 REYES 17:32

Paicunaca Mandac Diosta manchashpapish, paicunapurallamantatac acllashpami, lomacunapi tiyac altarcunapi cura cachun churarcacuna. Chai curacunami lomacunapi tiyac altarcunapica animalcunata cushpa rupachiccuna carca.

2 REYES 17:34

Paicunaca cunan punzhacamanmi utcapi ruhuashca shinallatac ruhuashpa causancuna. Mandac Diostapish mana manchancunachu. Pactachichun pai cushcatapish, mandashcacunatapish mana cazuncunachu. Jacobopac huahua huahuacunaman Mandac Dios mandashpa cushcatapish, pactachichun cushca mandashcacunatapish mana pactachincunachu. Jacobotaca Israeltami shutichirca.

2 REYES 17:41

Chashnami chai gentecunaca Mandac Diosta manchashpapish, paicunapac yanga dioscunata servishpa causarcacuna. Paicunapac churicunapish, nietocunapish paicunapac taitacuna ruhuashpa causashca shinallatacmi cunancaman ruhuashpa causancuna.

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

ISAÍAS 15:9

Dimón llacta yacucunapipish yahuarmi jundanga. Ñucaca Dimón llactamanmi ashtahuan yallita llaquicunataca cachasha. Moab llactamanta maijan miticushpa riccunatapish, chai llactapi causaccunatapish leoncunami tucuchinga.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

EZEQUIEL 14:15

Cai llactaman piña animalcunata cachashpa, llaquinayaita tucuchicpica, chai llacta chaupitaca pipish mana pasai pudinmanchu, cai llactaca shitashcami saquirinman.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

LEVÍTICO 26:22

Piña sacha animalcunata cachashpami, cancunapac huahuacunatapish, animalcunatapish tucuchisha. Shina tucuchicpimi, cancuna purina ñancunapish shitashca saquiringa.

JONÁS 1:9

Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.

JOSUÉ 22:25

Rubenpac, Gadpac churicunalla, ñucanchic-huan cancunahuan linderoca Jordán yacutami Mandac Diosca churashca. Chaimanta Mandac Diosmantaca ima japinata mana charinguichicchu ningami” yuyashpami, cai altartaca ruhuashcanchic. Chashna cancunapac churicuna nishpaca, ñucanchic churicunata Mandac Diosta mañashpa causanatami cungachinga— nirca.