2 REYES 17:20 - Dios Rimashcata Quillcashcami

²⁰ Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

2 REYES 17:20 ပူးပေါင်းရင်းမြစ်များ

2 REYES 13:23

Mandac Diosca Abrahamhuan, Isaac-huan, Jacobohuan ari nishcamantami paicunataca yallita llaquirca. Chaimantami paicunataca tucuchingapac paipac ñaupamanta llucchishpa, cachanatapish mana munarca.

2 REYES 13:3

Chaimantami Mandac Diosca israelcunahuan nina japiric shina piñarishpa, Siria llactata jatun mandac Hazaelpac maquipi, Hazaelpac churi Ben-adadpac maquipi tauca huatacunata llaquita apachun churarca.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

2 REYES 17:18

Chaimantami Mandac Diosca israelcunahuan yallita piñarishpa, paipac ñaupamanta llucchishpa cacharca. Chashna cachacpica, Judá aillullami saquirirca.

2 REYES 18:9

Judá llactata jatun mandac Ezequías chuscu huatata mandacucpimi, Elapac churi Oseasca canchis huatata Israel llactata mandacurca. Chai huatapimi Asiria llactata jatun mandac Salmanasarca Samaria puebloman shamushpa, chai pueblota muyurca.

2 REYES 21:14

Maijan saquirishca ñuca acllashcacunataca paicuna ima charishcata quichuchun, llucchishpa cachachunmi piñaccunapac maquipi saquisha.

2 REYES 23:27

Chaimantami Mandac Diosca: «Israel llactapi causaccunata ñuca ñaupamanta anchuchishca shinallatacmi Judá llactapi causaccunatapish anchuchigrini. Shinallatac ñuca acllashca Jerusalén pueblotapish, ñuca: “Chaipimi ñuca shutita churasha” nishca huasitapish chingachigrinimi» nirca.

2 REYES 24:3

Manasés juchacunata ruhuashcamanta, tucui imatapish pai ruhuashcamantami paipac ñaupamanta anchuchingapac Mandac Diosllatac Judá llactata llaquichichun cacharca.

1 CRÓNICAS 16:13

Diosta servic israelcunapac huahua huahuacunapish, pai acllashca Jacobopac huahua huahuacunapish yuyarichic.

NEHEMÍAS 9:2

Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

SALMOS 51:13

Chashna pushacpica, canta mana cazuccunamanmi can mandashcataca yachachisha. Chashna ruhuacpica, juchata ruhuaccunaca cambacmanmi cutimungacuna.

SALMOS 53:5

Chai gentecunaca Dios paita piñaccunapac tullucunata chirapashcamantami mana pi manchachicucpipish yallita manchaihuan chucchuncuna. Dios shitashcamantami canca pingaichircangui.

SALMOS 80:13

Sacha cuchicunapish, sacha animalcunapish tucuimi micucun.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 46:28

Ñucata servic Jacobolla, ñucami canhuan cani. Chaimanta ama manchaichu. Canta ñuca llucchishpa cachacpi, caita chaita rishpa causana llactacunataca tucuchigrinimi. Shina cashpapish cantaca mana tucui tucuchishachu. Ñuca caita, chaita cachacpimi, shuctac llactacunapi causacungui. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami llaquichisha. Canta llaquichinataca manatac saquishachu» ninmi.

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

JEREMÍAS 6:30

Mandac Dios mana ricusha nishpa, shitashcamantami “caica shitashca cullqui” nincuna» nirca.

JEREMÍAS 7:15

Ima shinami cancunapac huauquicunatapish, Efrainpac huahua huahuacunatapish ñuca ñaupamanta llucchishpa cacharcani, chashnallatacmi cancunatapish llucchishpa cachasha” ningui» ninmi.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

OSEAS 12:3

Jacoboca, paipac mamapac huicsamantaca paipac huauquipac chaquipi charirashpami llucshirca. Ña jatunyashpaca, angelhuan macanacushpami misharca.

JONÁS 1:10

Chai runacunaca Mandac Diospac ñaupamanta miticushpa ricushcata yachashpami, yallita mancharishpa: —¿Ima nishpatac chashna ruhuarcangui?— nirca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

DEUTERONOMIO 11:12

Chai llactataca Mandac Diosmi cuidacun. Mandac Diosca huata callarimanta, huata tucuringacamanmi cuidacunlla.

DEUTERONOMIO 32:20

Chaimantami: “Paicuna ima tucucta ricungapac, paicunata mana tigra ricushachu. Paicunaca huahua huahua millaita ruhuaccunami.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

JOSUÉ 23:13

cancunata Mandac Diosca chai llactapi causaccunataca cancunapac ñaupamanta mana ashtahuan llucchishpa cachanataca yachanami canguichic. Ashtahuanpish paicunaca cancunapacca tuclla shina mitcachic, cancunapac lomopi huactana angu shina, ñahuipi yaicushca casha shinami canga. Chashnami cancunata Mandac Dios cancunaman cushca sumac llactapi cancuna tucuringacaman chashna canga.

JUECES 18:30

Chai pueblopimi Danpac aillucunaca alli ningapac caspita llacllashpa diosta ruhuarcacuna. Paicunapac cura cachunca Moisespac churi Gersón runapac churi Jonatantami cura cachun churarca. Chashnami paipish, paipac churicunapish Danpac aillucunamantaca israelcunata prezu apai punzhacunacaman cura carca.

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.

1 SAMUEL 15:26

Shina nicpimi, Samuelca Saultaca: —Canhuanca mana cutishachu. Canca Mandac Diospac shimitami yangapi churarcangui. Chaimantami Mandac Diospish cantaca yangapi churashpa, Israel llactata jatun mandac cashcamanta anchuchigrin— nirca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.