2 REYES 17:13 - Dios Rimashcata Quillcashcami

¹³ Mandac Diosca paita servic pai ima nishcata huillaccunata, pai ricuchishcata huillaccunata israelcunamanpish, Judá gentecunamanpish huillachishpaca: «Millaicunata ruhuanata saquishpa, ñuca mandashcacunata, ñuca yachachishcacunata cancunapac ñaupa taitacunaman ñuca mandashca shinallatac tucuita cazushpa causaichic» nirca.

2 REYES 17:13 ပူးပေါင်းရင်းမြစ်များ

1 REYES 16:1

Chashna cacpimi, Mandac Diosca Baasata llaquichinata Hananipac churi Jehuman huillashpaca:

1 REYES 16:7

Mandac Diosca pai ima nishcata huillac Hananipac churi Jehumanmi Baasatapish, paipac familiatapish llaquichinata huillarca. Mandac Diospac ñaupapi Baasa paipac maquihuan mana allita ruhuashpa Diosta piñachishcamantami Jeroboampac huasi ucupurata shina tucuchingapac chashna huillarca.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

2 REYES 18:6

Ezequiasca Mandac Diosmanta mana anchurishpami catirca. Mandac Dios Moisesman cushca mandashcacunatapish pactachishpami causarca.

2 REYES 21:10

Chaimantami Mandac Diosca paita servic paimanta huillaccunaman huillachishpaca:

1 CRÓNICAS 29:29

Jatun mandac David callarimanta tucuricaman imata ruhuashcacunaca Dios ricuchishcata huillac Samuel quillcashcapi, Dios ima nishcata huillac Natán quillcashcapi, Dios ricuchishcata huillac Gad quillcashcapimi tiyacun.

JOB 11:14

Cambac maquihuan mana allita ruhuashca cashpaca saquingui. Cambac huasipi ima mana alli tiyachunca, ama saquinguichu.

JOB 36:10

Paimi ama pandarishpa purichun, ringripi rimashpa, millaita ruhuanata saquichun mandan.

SALMOS 50:7

Diosca: «Ñuca acllashcacunalla, ñuca rimashcata uyaichic. Israelcunalla, ñucami cambac contra rimagrini. Ñucaca Diosmi cani. Cancunapac Diosmi cani.

JEREMÍAS 11:7

Ñaupa taitacunata Egiptomanta llucchimushca punzhamanta cunancamanmi: Ñuca mandashcacunata uyaichic nishpa punzhanta mandacurcanilla.

JEREMÍAS 18:11

Chaimanta cunanca tucui Judá llactapi, Jerusalenpi causaccunataca: “Mandac Diosca: Cancunata piñashpa llaquichinatami yuyaricuni. Jatun llaquihuan ima shina llaquichinatapish ñami yuyaricuni. Chaimanta cada quiquin mana alli causaita saquishpa cutirichic. Cancunapac causaipipish, cancuna imata ruhuanapipish allita ruhuai callarichic” ninmi ningui.

JEREMÍAS 25:3

«Amonpac churi Josías Judá llactata chunga quimsa huatata mandacui punzhacunamanta cunan punzhacamanmi Mandac Diosca caita huillarca. Chashnami utcamanta pacha ishcai chunga quimsa huatata huillacurcalla. Chashna mana shaicushpa huillacucpipish, cancunaca mana uyasha nircanguichicchu.

JEREMÍAS 3:7

Ñucaca: “Chai tucuita ruhuashca quipaca, ñucapacman cutimungami” yuyarcanimi. Ashtahuanpish mana cutimurcachu. Chaitami mana cazuc paipac ñaña Judapish ricurca.

JEREMÍAS 34:14

Hebreopuramanta maijan cancunaman caturishpa servicucpica, cada canchis huatapi cacharinguichic. Sucta huatallata servichishpa charinguichic nircanimi. Ashtahuanpish cancunapac ñaupa taitacunaca mana uyarcachu, shinallatac mana cazurcachu.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

JEREMÍAS 42:19

Mandac Diosca Judá llactapi maijan saquirishcacunataca: Ama Egipto llactaman ringuichicchu nircami, Chaitaca cunanmi alli huillani.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

EZEQUIEL 3:19

Ashtahuanpish, ñucata mana manchac runa can rimashca jahua millaita ruhuanata mana saquishpa, mana alli causaitapish mana saquishpa, ñucaman mana tigrarishpaca, paipac juchamantami huañunga. Ashtahuanpish canca mana juchanchishcachu cangui.

DANIEL 9:10

Mandac Dioslla, can mandashca shina causangapacmi, can ima nishcata huillac canta servic canmanta huillacpica, mana cazushcanchic.

OSEAS 11:2

Shina llaquishpa cayacucpipish, ñucamantaca ashtahuanmi caruyarca. Baal dioscunamanmi animalta cushpa huañuchirca. Yanga dioscunamanmi inciensota rupachirca.

OSEAS 12:10

Mandac Diosca: «Ñuca ima nishcata huillaccunaman huillachishpami, ñuca huillashcataca yallita huillarcani. Paicunahuanmi chimbapurashca parlanacunahuan huillachircani.

OSEAS 12:11

Galaad llactapi causaccunaca ruhuashcalla dioscunata alli nishpami causan. Gilgal llactapica huagracunata chai dioscunaman cushpami huañuchirca. Paicunapac altarcunaca yapushca pambapi rumita montón shinami canga» ninmi.

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

HECHOS 20:21

Israelcunamanpish, mana israelcunamanpish Diosman llaquirishpa cutirinamanta, Apunchic Jesucristota crinamantami huillarcani.

DEUTERONOMIO 31:21

Paicuna manchaihuan, llaquihuan cacpica, cai cantomi paicunata yuyachinga. Paicunapac ñaupa taitacunaman cushami nishca llactaman manarac yaicucpimi, paicunapac yuyaicuna ima shina cashcata ñucaca yachasha. Chaimanta paicunapac huahuacunami chaita cantashpa yuyaringa» nirca.

DEUTERONOMIO 4:26

Chaimantami cunanca tucurinata ricuchichunmi jahua pachatapish, cai pachatapish churani. Jordán yacuta pasashpa, chai llactapi causacushpa, utca tucurina cashcata ricuchichunmi churani. Mana unaitachu chai llactapica causanguichic.

DEUTERONOMIO 8:19

Ashtahuanpish canta Mandac Diosta cungarishpa, shuctac dioscunata catishpa paicunapac ñaupapi cumurishpa, adorashpaca, tucuimi tucuringuichic nishpami huillani.

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

2 PEDRO 3:9

Maijancunaca: “Apunchic Jesusca mana utca cutimungachu” nincunami. Shina cacpipish cancunata llaquishcamanta, shucllapish ama chingarishpa Diosman tigrarichun nishpami, paica manarac cutimun.

JUECES 6:10

Shinallatac: ‘Ñucaca cancunata Mandac Diosmi cani. Cancuna causana llacta amorreocunapac dioscunata ama alli ninguichicchu’ nircani. Shina nicpipish cancunaca mana cazushcanguichicchu” ninmi» nirca.

JUECES 6:8

Mandac Diosca shuc huillactami cacharca. Chai huillac rishpaca: «Israelcunata Mandac Diosca: “Ñucami cancunataca Egipto llactapi huatashca shina servishpa causacucta llucchircani.

1 SAMUEL 9:9

Ñaupa punzhacunaca Israel llactapi maijanpish Diosman imata tapusha nishpaca: «Dios ricuchishcata huillac runaman jacuchic tapushun» nicmi carca. Chashna huillac runallatatacmi cunan punzhacunaca Dios ima nishcata huillac nincuna.