2 REYES 17:11 - Dios Rimashcata Quillcashcami

¹¹ Mandac Dios paicunapac ñaupamanta llucchishpa cachashca gentecuna shinallatacmi, tucui chai altarcunapi inciensota rupachiccuna carca. Chashna yalli millaita ruhuashpami, Mandac Diosta yallita piñachircacuna.

2 REYES 17:11 ပူးပေါင်းရင်းမြစ်များ

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

1 REYES 14:15

Mandac Diosca yacu patapi cuyuricuc totorata shina israelcunataca caiman chaiman cuyuchinga. Paimi israelcunataca paicunapac ñaupa taitacunaman cushca sumac llactamanta llucchishpa, Eufrates yacu chimba ladocaman cachanga. Asera huarmi dioslayacunata ruhuashpa, Mandac Diosta piñachishcamantami chashnaca ruhuanga.

2 REYES 12:4

Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

2 REYES 17:10

Shinallatac tucui lomacunapi, jatun yura ucucunapimi ruhuashcalla dioscunata, Asera huarmi diosman ricchacunata shayachircacuna.

2 REYES 17:12

Paicunaca yanga dioscunatami servircacuna. Mandac Diosca israelcunataca: «Cancunaca mana chashna ruhuanachu canguichic» nishpami sinchita mandarca.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

2 CRÓNICAS 28:25

Judá llacta tucui pueblocunapipish shuctac dioscunaman inciensota rupachingapacmi altarcunata lomacunapi ruhuarca. Chashna ruhuashpami, paipac ñaupa taitacunata Mandac Diostaca yallita piñachirca.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

OSEAS 9:10

Mandac Diosca: «Israelcunataca shitashca pambapi uvasta taric shinami tarircani. Paicunapac ñaupa taitacunataca punta pucushca higota shinami ricurcani. Ashtahuanpish paicunaca ñucamanta anchurishpami, Baal-peor diosta mañashpa pingai tucurca. Chai diosta catishpami millana tucurca.

DEUTERONOMIO 12:2

Cancuna japigricuc llactapi causaccunaca jatun urcucunapi, lomacunapi, sacha ucucunapimi dioscunata charin. Tucui chaicunataca polvonami canguichic.

DEUTERONOMIO 18:9

Cancuna Mandac Dios cushca llactaman yaicushpaca, ama chai llactapi causaccuna shina, millaita ruhuashpa causanguichicchu.

DEUTERONOMIO 32:16

Shuctac dioscunata adorashpami, millaita ruhuashpa yallita piñachirca.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.