2 REYES 16:9 - Dios Rimashcata Quillcashcami

⁹ Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.

2 REYES 16:9 ပူးပေါင်းရင်းမြစ်များ

2 CRÓNICAS 16:4

Ben-adadca jatun mandac Asa mañashcata ari nishpami Israel llacta pueblocunapi causaccunahuan macanacuchun, paipac soldadocunata mandaccunata cacharca. Paicunami Ijón, Dan, Abe-maim pueblocunatapish Neftalí llactapi ima tiyashcacunata huacaichina pueblocunatapish quichurca.

2 CRÓNICAS 28:21

Acazca asiriocunata jatun mandacman cungapacmi Mandac Diospac huasimanta, mandana huasimanta, mandaccunapac huasimantapish imalla charishcacunata llucchishpa curca. Shina cushca jahuapish mana ayudarcachu.

2 CRÓNICAS 28:5

Chaimantami paita Mandac Diosca siriocunata jatun mandacpac maquipi churacpi, chai siriocuna atishpa, achca gentecunata Damasco puebloman prezu aparca. Shinallatac Israel llactata jatun mandacpac maquipipish churacpimi, mishashpa achcata huañuchirca.

ISAÍAS 10:9

Ñucamanca Calno llactaca Carquemis llacta shinallatacmi. Hamat llactapish, Arfad llacta shinallatacmi. Samaria llactapish Damasco llacta shinallami.

ISAÍAS 17:1

Damasco llaqui tucunamanta tucuita Mandac Dios huillashpaca: «Riquichic, Damasco llactaca ña mana llactachu canga. Chaica rumi montonllami tucunga.

ISAÍAS 22:6

Elam llactamantaca flechacunata huacaichinata apashpami, caballocunapi, carretacunapi huichai rirca. Kir llactamanta soldadocunaca escudocunatami llucchirca.

ISAÍAS 37:18

Mandac Dioslla, Asiria llactata jatun mandacca shuctac llactacunatapish, allpacunatapish tucuchircami.

ISAÍAS 7:16

Chai huahua ima alli cacta, mana alli cacta manarac yachacpimi, can manchana ishcai jatun mandaccunapac llactaca shitashca saquiringa.

ISAÍAS 9:10

«Ladrillohuan shayachishca pircaca urmarcami. Chaitaca rumi ladrillohuanmi shayachishun. Sicómoro yuracunata urmachircami. Chai yuracunapac randica cedro yuratami tarpushun» nincuna.

ISAÍAS 9:11

Mandac Diosca Rezinta llaquichichunmi piñaccunata cachanga.

AMÓS 9:7

Mandac Diosca: «Israelcunalla, cancunaca ñuca ñaupapica, ¿manachu Etiopía llactapi causaccuna shina canguichic? ¿Manachu cancunataca Egiptomanta llucchimurcani? ¿Manachu filisteocunataca Caftor llactamanta, cutin arameocunataca Quir llactamanta llucchimurcani?» ninmi.