2 REYES 16:7 - Dios Rimashcata Quillcashcami

⁷ Chaimantami Acazca Asiria llactata jatun mandac Tiglat-pileserpacman huillaccunata cachashpaca: «Ñucaca canta servic cambac churillatacmi cani. Shina cashcamanta Siria llactata jatun mandacpac maquimantapish, Israel llactata jatun mandacpac maquimantapish misangapac huichai shamui. Paicunami ñucata macangapac jatarishcacuna» nichun cacharca.

2 REYES 16:7 ပူးပေါင်းရင်းမြစ်များ

1 REYES 20:4

Shina nicpimi, Israel llactata jatun mandacca «Can jatun mandac ñuca amo nishca shinallatac ñucapish, ñuca ima charishcacunapish cambacmi canchic» nirca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

2 CRÓNICAS 28:16

Chai punzhacunapimi jatun mandac Acazca Asiria llactata jatun mandaccunata ayudac shamuchun nichun cacharca.

2 CRÓNICAS 28:20

Asiriocunata jatun mandac Tiglat-pileserca ayudanapac randica macanacushpami, ashtahuan llaquichingapac shamurca.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

JEREMÍAS 13:21

Canllatac yachachishca, canhuan apanacuccunata Dios mandachun churacpica, ¿imatatac ninguiman? ¿Manachu canca huarmita sajuarina nanai japic shina llaqui tucungui?

JEREMÍAS 17:5

Mandac Diosca: «Ñucamanta anchurishpa, huañuclla runapi shunguta churashpa causacca llaqui tucungatacmi. Paipac shungupish ñucamanta anchuricunmi.

LAMENTACIONES 4:17

Ñucanchicta ayudacta chapacucllapitacmi ñahuipish amsayan. Mana ayudanata pudic llactatami torre jahuaman huichicushpa chapacushcanchic.

EZEQUIEL 16:28

Chashna huainayashpapish mana amirishpami, asiriocunahuanpish huainayarcangui. Paicunahuan huainayashpapish mana amirircanguichu.

EZEQUIEL 23:12

Asiriocunatami yallita munarca. Chashnami chai mandaccunatapish, soldadocunata mandaccunatapish munarca. Paicunaca alli churanata churarishca, macanacunata yachac, caballopi ric alaja mosocunami carca.

EZEQUIEL 23:5

Oholaca ñucapac cashpapish ñucata shitashpami asiriocunata yallita cuyai callarirca.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

OSEAS 7:11

Efraín ailluca paloma shinami imatapish mana yachac tucushca. Chaimantami Egiptopi causaccunatapish, Asiria llactapi causaccunatapish ayudachun mañan.