2 REYES 16:2 - Dios Rimashcata Quillcashcami

² Acazca ishcai chunga huatata charishpami, mandai callarirca. Chunga sucta huatatami Jerusalenpi mandarca. Paita Mandac Diospac ñaupapica ñaupa taita David shina allica mana causarcachu.

2 REYES 16:2 ပူးပေါင်းရင်းမြစ်များ

1 REYES 15:3

Abiamca pai manarac tiyacpi, paipac taita juchata ruhuashpa causashca shinallatacmi, juchata ruhuashpa causarca. Paica mana paipac ñaupa taita David shina, paita Mandac Diostaca tucui shunguhuan cazurcachu.

1 REYES 3:14

Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

1 REYES 9:4

Cambac taita David causashca shinallatac alli causangui. Tucui shunguhuan ñucata cazushpa, tucuipac allita ruhuashpa, ñuca mandashcacunata pactachishpa, ñuca quillcachishcacunata, imata ruhuachun nishcacunata pactachishpa causangui.

2 REYES 14:3

Amasiasca Mandac Diospac ñaupapica allitami ruhuashpa causarca. Shina cashpapish mana paipac ñaupa taita David shina ruhuashpami paipac taita Joás ruhuashca shinallatac tucuita ruhuarca.

2 REYES 15:3

Azariasca Mandac Diospac ñaupapica, paipac taita Amasías shinallatacmi allita ruhuashpa causarca.

2 REYES 15:34

Jotamca Mandac Diospac ñaupapica paipac taita Uzías allita ruhuashpa, causashca shinallatacmi allita ruhuarca.

2 REYES 18:1

Elapac churi Oseas quimsa huatata Israel llactata mandacucpimi, Acazpac churi Ezequiasca Judá llactata mandai callarirca.

2 REYES 18:3

Ezequiasca Mandac Diospac ñaupapica paipac ñaupa taita David shinallatacmi allita ruhuashpa causarca.

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

2 CRÓNICAS 17:3

Pai mandai callarishpaca, ñaupa taita David causashca shinallatacmi allita ruhuashpa causarca. Baal dioscunataca mana catircachu. Chaimantami Mandac Diosca Josafathuan carca.

2 CRÓNICAS 29:2

Ezequiasca Mandac Diospac ñaupapica ñaupa taita David shinallatacmi allita ruhuashpa causarca.