2 REYES 16:15 - Dios Rimashcata Quillcashcami

¹⁵ Jatun mandac Acaz Urías curata mandashpaca: «Cai jatun altarpica tutamanta Diosman animalcunata cushpa tucui rupachinguichic. Chishica Diosman cushca granota, jatun mandac cushca animalta, chai pueblopi causaccuna cushca animalta rupachinguichic. Shinallatac ofrendatapish, tallina vinotapish rupachinguichic. Chai jahuallapitac huañuchishca animalpac yahuartapish, tucuita Diosman cushpa rupachina animalpac yahuartapish chirapanguichic. Cai bronce altartaca Diosman ñuca tapungapacllami charisha» nirca.

2 REYES 16:15 ပူးပေါင်းရင်းမြစ်များ

GÉNESIS 44:5

Ñuca amoca chai vasopimi ubiac carca. Chai vasoca adivinangapacpishmi carca. Chaita shuhuashpami, mana allita ruhuamushcanguichic” ningui— nirca.

1 REYES 3:4

Animalcunata huañuchishpa Diosman cungapacca Gabaonmanmi riccuna carca. Chaipi cac altarmi ashtahuan valichishca carca. Chaimantami Salomonpish achca animalcunata huañuchishpa Diosman cungapacca chaiman ric carca.

1 REYES 7:23

Shinallatac yacuta churangapacca bronceta yacuyachishpami mama cucha nishca shuc jatun pailata muyundita ruhuarca. Chai pailaca shuc ladomanta caishuc ladocaman medicpica, chuscu metro chaupimi carca. Huichaiman medicpica, ishcai metro ishcai chunga centimetromi carca. Shimita muyundi medicpica, chunga quimsa metro chaupimi carca.

1 REYES 8:64

Jatun mandacca chai punzhallatacmi Mandac Diospac huasi ñaupapi tiyac chaupi pungu pambatapish Diospaclla cachun curca. Diosman cushpa tucui rupachina animalcunata, ofrendacunata, Dios-huan alli tucungapac cushca huirataca chai pungu pambapimi rupachirca. Mandac Diospac ñaupapi cac bronce altarca uchillami carca. Diosman cushpa tucui rupachina animalcunata, ashtahuan ima cushcacunata, Dios-huan alli tucungapac cushca huirata rupachingapacca mana pactarcachu.

2 REYES 16:14

Chai quipami Mandac Diospac ñaupapi cac bronce altartaca, Diospac huasi ñaupamanta anchuchishpa mushuc altar jahua ladomanmi churarca.

2 REYES 16:16

Urías curaca jatun mandac Acaz ima shina mandashca shinallatacmi tucuita ruhuarca.

2 REYES 18:4

Paimi lomacunapi tiyac altarcunata anchuchishpa, imamanpish riccha dioscunata paquirca. Asera huarmi diosta yuyarina yuracunata pitishpami, Moisés ruhuachishca bronce culebratapish paquirca. Chai punzhacamanmi israelcunaca inciensota rupachishpa carcacuna. Chaimantami Nehustán nishpa shutichirca.

2 REYES 3:20

Tutamanta Diosman cushpa rupachina horasmi yacuca Edom llacta ñanta urai shamushpa, chai junducunapi jundarca.

2 CRÓNICAS 29:32

Tandanacushca gentecuna Diosman cushpa rupachingapacca canchis chunga huagrata, patsac carnero ovejata, ishcai patsac malta ovejatami apamurca. Tucui cai animalcunatami Diosman cushpa tucui rupachircacuna.

2 CRÓNICAS 29:35

Shinami rupachina animalcunaca achca tiyarca. Dios-huan alli tucungapac cushca animalcunapac huirapish, tucui rupachina animalhuan cushca vinopish achcami tiyarca. Shinami Mandac Diospac huasipica cutinllatac Diosta servinata callarirca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

DANIEL 12:11

Punzhanta Diosman animalta cushpa rupachinata anchuchishca punzhamanta millana tucuchicta churangacamanca huaranga ishcai patsac iscun chunga punzhami tucunga.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

DANIEL 9:27

Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.