2 REYES 16:14 - Dios Rimashcata Quillcashcami

¹⁴ Chai quipami Mandac Diospac ñaupapi cac bronce altartaca, Diospac huasi ñaupamanta anchuchishpa mushuc altar jahua ladomanmi churarca.

2 REYES 16:14 ပူးပေါင်းရင်းမြစ်များ

2 REYES 16:11

Jatun mandac Acaz tucuita ruhuashpa, Damasco pueblomanta cachashca shinallatacmi Urías curaca altarta ruhuarca. Chaitaca jatun mandac Acaz Damasco pueblomanta cutingacamanmi ruhuarca.

2 REYES 16:13

Shinallatac tucui rupachinacunatapish, ofrendatapish, vinotapish chai jahuapi tallirca. Dios-huan alli tucungapac huañuchishca animalpac yahuartapish altar ladopimi chiraparca.

2 REYES 16:15

Jatun mandac Acaz Urías curata mandashpaca: «Cai jatun altarpica tutamanta Diosman animalcunata cushpa tucui rupachinguichic. Chishica Diosman cushca granota, jatun mandac cushca animalta, chai pueblopi causaccuna cushca animalta rupachinguichic. Shinallatac ofrendatapish, tallina vinotapish rupachinguichic. Chai jahuallapitac huañuchishca animalpac yahuartapish, tucuita Diosman cushpa rupachina animalpac yahuartapish chirapanguichic. Cai bronce altartaca Diosman ñuca tapungapacllami charisha» nirca.

2 CRÓNICAS 1:5

Bronce altartaca Uripac churi Bezaleelmi ruhuarca. Urica Hurpac churimi carca. Chai altarca Mandac Diospac ñaupapimi Dios-huan tupana huasi ñaupapi tiyacurca. Chaimanmi Salomonca tandanacushca gentecunahuan Diosman tapungapac rirca.

2 CRÓNICAS 29:19

Shinallatac jatun mandac Acaz mana cazushpa, chai ucumanta llucchishpa shitashca imalla tiyashcacunatapish, Diospaclla cachunmi allichircanchic. Riqui, tucui chaicunaca Mandac Diospac altar ñaupapimi can» nircacuna.

2 CRÓNICAS 4:1

Chashnallatac shuc bronce altartapish ruhuarcami. Chai altarca largomanpish, anchomanpish iscun metromi carca. Altomanca chuscu metro chaupimi carca.

ÉXODO 27:1

Acacia caspimanta shuc cuadrado altarta ruhuangui. Chai altarca sunimanpish, anchomanpish ishcai metro quimsa chunga centímetro, cutin altomanca ishcai metro quimsa chunga centimetromi canga.

ÉXODO 27:2

Chai altar chuscu esquinapica chuscu gachuta ruhuangui. Chai gachucunaca altarhuan shuc shinalla ruhuashcami canga. Chai altar jahuataca broncehuan cahuingui.

ÉXODO 40:29

Chaiman yaicuna pungupica tucuita rupachina altartami churarca. Chaimi Mandac Dios mandashca shinallatac animalcunatapish, ofrendacunatapish Diosman cushpa rupachirca.

ÉXODO 40:6

Chai quipaca ñucaman cushpa rupachina altartaca ñucahuan tupana huasi pungu yaicuna ñaupapi churangui.

EZEQUIEL 43:8

Israelcunaca paicunapac umbralcunatapish, pilarcunatapish ñuca huasi pungu umbral ladopi churashpami, ñuca jucha illac shutita yangapi churarca. Chaitaca, chai ladollapi shuc pircallata shayachishpami ruhuarca. Chaimantami ñucaca yallita piñarishpa tucuchircani.

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.