2 REYES 15:8 - Dios Rimashcata Quillcashcami

⁸ Judá llactata jatun mandac Azarías quimsa chunga pusac huatata mandacucpimi, Jeroboampac churi Zacariasca mandai callarirca. Paica sucta quillatami Samaria pueblopi mandarca.

2 REYES 15:8 ပူးပေါင်းရင်းမြစ်များ

2 REYES 10:30

Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

2 REYES 14:21

Chaimantami tucui Judá llactapi causaccunaca Amasiaspac randi paipac churi Azariasta jatun mandac cachun churarca. Azariasca chunga sucta huatatami charirca.

2 REYES 14:29

Jeroboam huañucpica, Israel llactata jatun mandaccuna enterrashcallapitacmi enterrarca. Paipac randica paipac churi Zacariasmi mandarca.

2 REYES 15:1

Israel llactata jatun mandac Jeroboam ishcai chunga canchis huatata mandacucpimi, Amasiaspac churi Azariasca Judá llactata mandai callarirca.

2 REYES 15:13

Judá llactata jatun mandac Azarías quimsa chunga iscun huatata mandacucpimi, Jabespac churi Salumca Israel llactata mandai callarirca. Paica shuc quillatami Samaria pueblopi mandarca.

2 REYES 15:17

Judá llactata jatun mandac Azarías quimsa chunga iscun huatata mandacucpimi, Gadipac churi Manahemca Israel llactata mandai callarirca. Paica chunga huatatami Samaria pueblopi mandarca.

2 REYES 15:23

Judá llactata jatun mandac Azarías pichca chunga huatata mandacucpimi, Manahempac churi Pekaiaca Israel llactata mandai callarirca. Paica ishcai huatatami Samaria pueblopi mandarca.

2 REYES 15:7

Azarías huañushpa, paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Jotammi paipac randi mandarca.

2 REYES 15:9

Paica ñaupa taitacuna shinallatacmi Mandac Diospac ñaupapi mana allita ruhuarca. Paica Nabatpac churi Jeroboam israelcunata juchacunata ruhuachishca shinallatacmi ruhuashpa, Mandac Diospac ñaupapica catirca.

PROVERBIOS 28:2

Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.

OSEAS 1:4

Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.