2 REYES 15:30 - Dios Rimashcata Quillcashcami

³⁰ Elapac churi Oseasmi pacalla parlanacushpa, Remaliaspac churi Pekataca chugrichishpa huañuchirca. Chashna huañuchishpami, Pekapac randi mandai callarirca. Azariaspac churi Jotam ishcai chunga huatata mandacucpimi, chashnaca tucurca.

2 REYES 15:30 ပူးပေါင်းရင်းမြစ်များ

2 REYES 15:10

Zacariastaca Jabespac churi Salummi pacalla parlanacushpa, tucui gentecunapac ñaupapi chugrichishpa huañuchirca. Chashna huañuchishpami, paipac randi mandarca.

2 REYES 15:25

Pekaiataca paipac soldadocunata mandac Pekami pacalla parlanacushpa, Samaria pueblo mandana huasillapitac Argob, Arie runacunatapish, Galaad llactamanta pichca chunga runacunahuan tandanacushpa huañuchirca. Pekaca Remaliaspac churimi carca. Chashna huañuchishpaca, paimi Pekaiapac randi mandarca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 15:31

Pekapac shuctac ruhuashcacunapish, imacunallata ruhuashcacunapish Israel llactata jatun mandaccuna imata ruhuashcacunata quillcashcapimi tiyacun.

2 REYES 16:1

Remaliaspac churi Peka chunga canchis huatata Israel llactata mandacucpimi, Jotampac churi Acazca Judá llactata mandai callarirca.

2 REYES 17:1

Judá llactata jatun mandac Acaz chunga ishcai huatata mandacucpimi, Elapac churi Oseasca Israel llactata mandai callarirca. Paica iscun huatatami Samaria pueblopi mandarca.

2 CRÓNICAS 28:16

Chai punzhacunapimi jatun mandac Acazca Asiria llactata jatun mandaccunata ayudac shamuchun nichun cacharca.

ISAÍAS 7:16

Chai huahua ima alli cacta, mana alli cacta manarac yachacpimi, can manchana ishcai jatun mandaccunapac llactaca shitashca saquiringa.

ISAÍAS 8:6

«Cai gentecunaca casilla callpacuc Siloé yacuta yangapi churashpami Rezinhuan, Remaliaspac churihuan cushicurca.

OSEAS 10:15

Bet-elpi causaccunalla, cancuna yalli mana allita ruhuashcamantaca chashnallatacmi llaquichinga. Israelcunata jatun mandactaca manarac alli punzhayacpimi huañuchinga» ninmi.

OSEAS 10:3

Chaimantami paicunaca: «Mandac Diosta mana manchashcamantami ñucanchicca jatun mandacta mana charinchic. Jatun mandac tiyashpapish, ¿imatatac ñucanchicmanta ruhuai pudingayari?» ningami.

OSEAS 10:7

Samaria llactata jatun mandacca yacupi huambucuc puscu shinami chingaringa.