2 REYES 15:29 - Dios Rimashcata Quillcashcami

²⁹ Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 15:29 ပူးပေါင်းရင်းမြစ်များ

1 REYES 14:15

Mandac Diosca yacu patapi cuyuricuc totorata shina israelcunataca caiman chaiman cuyuchinga. Paimi israelcunataca paicunapac ñaupa taitacunaman cushca sumac llactamanta llucchishpa, Eufrates yacu chimba ladocaman cachanga. Asera huarmi dioslayacunata ruhuashpa, Mandac Diosta piñachishcamantami chashnaca ruhuanga.

1 REYES 15:20

Ben-hadadca jatun mandac Asa mañashcata ari nishpami, Israel llacta pueblocunapi causaccunahuan macanacuchun, paipac soldadocunata mandaccunata cacharca. Paicunaca Ijón, Dan, Abel-bet-maaca pueblocunatapish, Cineret, Neftalí llactacunatapish quichurcami

1 REYES 9:11

Chai huasicunata ruhuangapacca Tiro llactata jatun mandac Hirammi cedro caspicunata, ciprés caspicunata, shinallatac curitapish mashna munashcata curca. Chaimantami jatun mandac Salomonca Galilea llacta ishcai chunga pueblocunata Hiramman curca.

2 REYES 15:19

Chai punzhacunami Asiria llactata jatun mandac Pulca Israel llactahuan macanacungapac shamurca. Chaimantami Manahemca pai mandanata sinchiyachingapac jatun mandac Pulman shuc huaranga talento cullquita curca.

2 REYES 15:20

Pulman cungapacca Manahemca Israel llacta yallita charic gentecunatami cada shuc pichca chunga talento cullquita cuchun mandarca. Chai cullquita cucpimi, Siria llactata jatun mandacca Israel llactamanta utca rirca.

2 REYES 15:28

Mandac Diospac ñaupapica mana allita ruhuashpami causarca. Nabatpac churi Jeroboam israelcunata juchata ruhuachishca shinallatacmi ruhuashpa catirca.

2 REYES 15:30

Elapac churi Oseasmi pacalla parlanacushpa, Remaliaspac churi Pekataca chugrichishpa huañuchirca. Chashna huañuchishpami, Pekapac randi mandai callarirca. Azariaspac churi Jotam ishcai chunga huatata mandacucpimi, chashnaca tucurca.

2 REYES 16:10

Chai quipami jatun mandac Acazca Asiria llactata jatun mandac Tiglat-pileserta Damasco pueblopi tupangapac rirca. Chaiman chayashpami, jatun mandac Acazca Damascopi tiyac altarta ricushpa, chai altar mashna medishcata ima shina cacta dibujashpa, Urías curaman cuchun cacharca.

2 REYES 16:7

Chaimantami Acazca Asiria llactata jatun mandac Tiglat-pileserpacman huillaccunata cachashpaca: «Ñucaca canta servic cambac churillatacmi cani. Shina cashcamanta Siria llactata jatun mandacpac maquimantapish, Israel llactata jatun mandacpac maquimantapish misangapac huichai shamui. Paicunami ñucata macangapac jatarishcacuna» nichun cacharca.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

2 REYES 18:11

Asiria llactata jatun mandac israelcunata Asiria llactaman prezu apashpaca, Halah pueblopi, Gozán jatun yacu ladopi cac Habor llactapi causachunmi churarca. Shinallatac medocunapac pueblocunapipish churarcami.

2 REYES 19:11

Asiria llactata jatun mandaccuna tucui llactacunata ima shina tucuchishcataca canllatac uyashcanguimi. ¿Shina cacpica, canca quishpirigringuichu?

2 REYES 8:11

Shina nishpami, Diospac runaca Hazaelta pingaichingacaman ricushpa saquirirca. Chashna ricucushpallatacmi Diospac runaca huacarca.

1 CRÓNICAS 5:22

Chai macanacuipica Mandac Dios ayudacpimi, achcata huañuchirca. Shuctac llactaman prezu apangacaman chaillapitac causarcacuna.

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

1 CRÓNICAS 5:6

Baalpac churica Beerami carca. Paica Rubenpac huahua huahuacunata mandacmi carca. Paitami asiriocunata jatun mandac Tiglat-pileserca prezu aparca.

2 CRÓNICAS 16:4

Ben-adadca jatun mandac Asa mañashcata ari nishpami Israel llacta pueblocunapi causaccunahuan macanacuchun, paipac soldadocunata mandaccunata cacharca. Paicunami Ijón, Dan, Abe-maim pueblocunatapish Neftalí llactapi ima tiyashcacunata huacaichina pueblocunatapish quichurca.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

ISAÍAS 1:7

Cancunapac llactaca shitashcami. Pueblocunapish rupachishcami. Pambacunapi pucushcacunatapish shuctac llacta gentecunami cancunapac ñaupallapitac micushca. Shuctac llacta gentecunami shitashca pambata saquishca.

ISAÍAS 37:18

Mandac Dioslla, Asiria llactata jatun mandacca shuctac llactacunatapish, allpacunatapish tucuchircami.

ISAÍAS 7:16

Chai huahua ima alli cacta, mana alli cacta manarac yachacpimi, can manchana ishcai jatun mandaccunapac llactaca shitashca saquiringa.

ISAÍAS 7:20

Chai punzhapica Mandac Diosca Eufrates yacu lado llactapi alquilashca navajahuanmi cancunata uma acchatapish, barbastapish, chaqui millmatapish pitinga. Chai navaja shinaca Asiria llactata jatun mandacmi canga.

EZEQUIEL 23:9

Chaimantami Oholataca pai yallita munashca asiriocunapac maquipi churarcani.

LEVÍTICO 26:32

Llactatapish chushacllatami saquisha. Cancunata piñaccuna causangapac shamushpaca, mancharishpami saquiringa.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

AMÓS 1:3

Mandac Diosca: «Damascopi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Galaad llactapi causaccunataca trillana fierrohuanmi llaquichirca.

AMÓS 5:27

Chaimantami cancunataca Damascomanta ashtahuan chimbaman apachun saquisha. Chaitaca Mandac Dios ñucami nini» ninmi. Paipac shutica tucuita Mandac Diosmi.

AMÓS 6:14

Chaimantami tucuita Mandac Diosca: «Israelcuna uyaichic. Cancunata llaquichichunca shuctac llactatami jatarichisha. Chai llactaca Lebo-hamat llactaman yaicunamanta Arabá llacta jatun yacu ladocamanmi llaquichinga» ninmi.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 32:40

Chashna cacpimi, Moisesca Galaad llactataca Manasespac churi Maquirpac churicunaman curca. Shina cucpimi, paicunaca chaipi causai callarirca.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 3:15

Galaadtaca Maquirmanmi curcani.

JOSUÉ 11:1

Chaita uyashpami Hazor pueblota mandac Jabinca Madón pueblota mandac Jobabmanpish, Simrón pueblota, Acsaf pueblota jatun mandaccunamanpish huillachun cacharca.

JOSUÉ 11:10

Chai quipaca Josué cutishpami Hazor pueblota japishpa, jatun mandactaca espadahuan huañuchirca. Hazor pueblomi tucui caishuc llactacunamanta ashtahuan jatun carca.

JOSUÉ 11:13

Ashtahuanpish israelcunaca lomacunapi tiyac pueblocunataca mana rupachircachu. Hazor pueblollatami Josueca rupachirca.

JOSUÉ 12:19

Madón pueblota jatun mandacta, Hazor pueblota jatun mandacta,

JOSUÉ 16:6

Chai linderoca mama cucha jahua ladopi tiyac Micmetat pueblocaman chayashpa, chaimantaca inti llucshina ladota muyushpami Taanat-silo pueblocaman carca. Chaimantaca Janoa pueblocamanmi carca.

JOSUÉ 19:35

Muyundita pircashca pueblocunaca: Sidim, Zer, Hamat, Racat, Cineret,

JOSUÉ 19:37

Cedes, Edrei, En-hazor,

JOSUÉ 20:7

Shina nicpimi, paicunaca Neftalí aillupac urcupi, Galilea llactapi cac Cedes pueblota, Efrainpac aillucunapac urcupi cac Siquem pueblota shinallatac Judá aillupac urcupi cac Hebrón nishca Quiriat-arba pueblota acllarca.

JUECES 18:30

Chai pueblopimi Danpac aillucunaca alli ningapac caspita llacllashpa diosta ruhuarcacuna. Paicunapac cura cachunca Moisespac churi Gersón runapac churi Jonatantami cura cachun churarca. Chashnami paipish, paipac churicunapish Danpac aillucunamantaca israelcunata prezu apai punzhacunacaman cura carca.

JUECES 4:2

Chaimantami Mandac Diosca Canaán llactata jatun mandac Jabinpac maquipi churarca. Paica Hazor pueblopimi mandacurca. Paipac macanacuc runacunata mandacca Sisarami carca. Paica Haroset-goim pueblopimi causarca.