2 REYES 15:27 - Dios Rimashcata Quillcashcami

²⁷ Judá llactata jatun mandac Azarías pichca chunga ishcai huatata mandacucpimi, Remaliaspac churi Pekaca Israel llactata mandai callarirca. Paica ishcai chunga huatatami Samaria pueblopi mandarca.

2 REYES 15:27 ပူးပေါင်းရင်းမြစ်များ

2 REYES 15:1

Israel llactata jatun mandac Jeroboam ishcai chunga canchis huatata mandacucpimi, Amasiaspac churi Azariasca Judá llactata mandai callarirca.

2 REYES 15:13

Judá llactata jatun mandac Azarías quimsa chunga iscun huatata mandacucpimi, Jabespac churi Salumca Israel llactata mandai callarirca. Paica shuc quillatami Samaria pueblopi mandarca.

2 REYES 15:2

Azariasca chunga sucta huatata charishpami mandai callarirca. Paica pichca chunga ishcai huatatami Jerusalenpi mandarca. Paipac mamaca Jerusalenmanta Jecoliasmi carca.

2 REYES 15:23

Judá llactata jatun mandac Azarías pichca chunga huatata mandacucpimi, Manahempac churi Pekaiaca Israel llactata mandai callarirca. Paica ishcai huatatami Samaria pueblopi mandarca.

2 REYES 15:25

Pekaiataca paipac soldadocunata mandac Pekami pacalla parlanacushpa, Samaria pueblo mandana huasillapitac Argob, Arie runacunatapish, Galaad llactamanta pichca chunga runacunahuan tandanacushpa huañuchirca. Pekaca Remaliaspac churimi carca. Chashna huañuchishpaca, paimi Pekaiapac randi mandarca.

2 REYES 15:26

Pekaiapac shuctac ruhuashcacunapish, imacunallata ruhuashcacunapish Israel llactata mandaccuna imata ruhuashcacunata quillcashcapimi tiyacun.

2 REYES 15:28

Mandac Diospac ñaupapica mana allita ruhuashpami causarca. Nabatpac churi Jeroboam israelcunata juchata ruhuachishca shinallatacmi ruhuashpa catirca.

2 REYES 15:37

Chai punzhacunapimi Mandac Diosca Judá llactapi causaccunahuan piñarishpa, Siria llactata jatun mandac Rezinta, shinallatac Remaliaspac churi Pekata llaquichichun cacharca.

2 REYES 15:8

Judá llactata jatun mandac Azarías quimsa chunga pusac huatata mandacucpimi, Jeroboampac churi Zacariasca mandai callarirca. Paica sucta quillatami Samaria pueblopi mandarca.

2 CRÓNICAS 28:6

Remaliaspac churi Peka soldadoca shuc punzhallami Judá llactapi causac patsac ishcai chunga huaranga soldadocunata huañuchirca. Chaicunaca ashtahuan sinchi soldadocunami carca. Paicunapac ñaupa taitacunata Mandac Diosmanta anchurishcamantami chashnaca huañuchirca.

ISAÍAS 7:1

Uziaspac churi, Jotampac churi, Acaz mandacui punzhacunapimi Remaliaspac churi jatun mandac Pekaca Israel llactata mandacurca. Paimi Siria llactata jatun mandac Rezinhuan tandanacushpa, Jerusalenpi causaccunahuan macanacungapac huichai rirca. Chashna rishpapish Jerusalentaca mana japi pudircachu.

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

ISAÍAS 7:9

Efrainpac llactata mandacca Samaria llactami. Samaria llactapac mandacca Remaliasmi. Cancuna mana ñucata alli crishpaca, tucuringuichicmi” nishpa huillai» nirca.