2 REYES 15:13 - Dios Rimashcata Quillcashcami

¹³ Judá llactata jatun mandac Azarías quimsa chunga iscun huatata mandacucpimi, Jabespac churi Salumca Israel llactata mandai callarirca. Paica shuc quillatami Samaria pueblopi mandarca.

2 REYES 15:13 ပူးပေါင်းရင်းမြစ်များ

1 REYES 16:15

Judá llactata jatun mandac Asa ishcai chunga canchis huatata mandacucpimi, Zimrica mandai callarirca. Paica canchis punzhallatacmi Tirsa pueblopi mandarca. Israelcunaca filisteocunapac llacta Gibetón pueblopi causaccunahuan macanacungapacmi carpa huasicunata shayachishpa chapacurcacuna.

1 REYES 16:24

Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

2 REYES 15:1

Israel llactata jatun mandac Jeroboam ishcai chunga canchis huatata mandacucpimi, Amasiaspac churi Azariasca Judá llactata mandai callarirca.

2 REYES 15:8

Judá llactata jatun mandac Azarías quimsa chunga pusac huatata mandacucpimi, Jeroboampac churi Zacariasca mandai callarirca. Paica sucta quillatami Samaria pueblopi mandarca.

JOB 20:15

Pai charishcacunata micushca cashpapish arcadangami. Paipac huicsa ucumantami Diosca llucchinga.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

PROVERBIOS 28:17

Pitapish huañuchishpa yahuarta jichac runaca pai huañungacamanmi miticushpa puringa. Paitaca huañunamanta mana pi jarcanchu.

PROVERBIOS 28:2

Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.

ISAÍAS 1:1

Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

OSEAS 10:3

Chaimantami paicunaca: «Mandac Diosta mana manchashcamantami ñucanchicca jatun mandacta mana charinchic. Jatun mandac tiyashpapish, ¿imatatac ñucanchicmanta ruhuai pudingayari?» ningami.

OSEAS 8:4

Paicunaca manapish ñuca acllashca jatun mandaccunatami churarca. Shuctac mandaccunata churashcatapish ñucaca mana yachashcanichu. Paicunallatac llaqui tucungapacmi cullquimanta, curimanta dioscunata ruhuarca.